JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN preokupa komunidade kontinua konstroi uma iha mota-ninin  Governu sei hasai obrigatóriu

PN preokupa komunidade kontinua konstroi uma iha mota-ninin  Governu sei hasai obrigatóriu

Parlamentu Nasionál (PN) kestiona komunidade ne’ebé kontinua konstroe uma iha mota ninin, maske hatene fatin hirak ne’e risku bo’ot ba sira nia vida iha tempu udan, liu-liu komunidade sira iha parte mota Comoro nian.

“Asuntu ne’e uluk ha’u foti ona, maibé agora mós ha’u kontinua foti, tanba ha’u liu husi mota ibun ne’eba, haree konstrusaun uma kontinua la’o nafatin, maske ita hatene katak, fatin ne’eba risku bo’ot tebes”, hateten deputadu bankada CNRT, Domingos de Carvalho iha sesaun plenária Tersa (30/04/2019) ne’e.

Hatan ba asuntu ne’e, representante Governu iha plenária, Sekretariu Estadu Komunikasaun sosial, Mericio Juvinal dos Reis Akara, rekuñese, asuntu refere levanta bebeik ona husi deputadu sira, maibé komunidade sei kontinua konstroe uma iha mota ninin.

Governante ne’e konsidera, asuntu refere sériu, no nia sei hatutan ba parte kompetente hodi buka solusaun.

Antes ne’e, Governu hasai ona rezolusaun ida, hodi bandu komunidade sira atu konstroe uma iha mota ninin sira, Tanba iha tempu udan sempre mosu akontesimentu ne’ebé ema la espera, liu-liu iha mota Comoro ne’ebé sempre lori komunidade nia uma iha tempu udan.

Governu sei hasai obrigatóriu  

Iha tempu badak Governu liu husi Munisípiu Díli, sei identifika no hasai obrigatóriu komunidade sira ne’ebé kontinua halo uma iha fatin risku, hanesan mota ninin, ponte okos no foho lolon, hodi lori fali ba ida-ida nia Munisípiu, nune’e sidade Díli bele moos.

Sekretáriu Autoridade Munisípiu Díli, José Filipe Ximenes Smith, hatete, Governu iha ona planu atu implementa polítika ida ne’e, tanba fó risku ba komunidade sira nia vida.

“Munisípiu Díli iha ona planu atu hasai obrigatóriu komunidade sira ne’ebé kontinua halo uma iha fatin risku hanesan, mota ninin, ponte okos no foho lolon sira ne’e, lori ba sira-nia moris fatin,  tanba antes ne’e Munisípiu Díli mós halo ona enkontru ho Autoridade Lokal sira iha Díli laran, no halo aviza bei-beik  ba komunidade sira ne’e, maibé realidade sira kontinua halo uma iha fatin risku, inklui Estadu nia rai. Tanba ne’e Munisípiu Díli sei koordena ho Ministériu Justisa atu  hasai komunidade sira ne’e, hein orientasaun husi nasionál”, hateten  José Filipe Ximenes Smith ba GMN iha nia kna’ar fatin edifísiu Matadoro Díli, Tersa (30/04).

Nia haktuir, durante ne’e Munisípiu Díli halo ona aviza bei-beik, maibé komunidade sira ne’e ulun fatuk to’os lakohi sai,  no bainhira hetan dezastre ruma, Governu sempre apoiu,  maibé simu tiha ajudu sira ne’e, kontinua hela nafatin iha fatin risku ne’e.

Tuir Zeca Smith,  durante ne’e Munisípiu Díli mos halo ona sosializasaun hodi fó informasaun, maibé komunidade sira laiha konsiensia atu kumpri regras sira ne’e.

Tanba ne’e, Zeca Smith dehan,  Governu iha mekanismu atu muda sira, nune’e kapital nasaun ne’e ema haree labele sabra’ut .

Zeca Smit mós husu ba komunidade sira ne’ebé hela iha fatin risku iha sidade Díli laran, bainhira mosu dezastre ruma labele husu ajuda husi Governu, tanba la’os Governu mak haruka ba hela iha fatin risku sira ne’e.say/aba 

Lee hotu :   Autoridade lokál husu Governu hadia sistema tratamentu subsídiu ba komunidade

Add to Comments Here!!!!

error: Content is protected.
Secured By miniOrange
You might also like:
Terminal Aeroportu Suai loke ona ba públiku

Ministro dos Transportes e Comunicações, José...

Traballadór sira husu Governu hasa’e saláriu mínimu ba USD 200 ■Governu sei halo mudansa

Selebrasaun loron mundial traballadór ne’ebé monu...

RAEOA-ZEESM TL simu aprezentasaun orsamentu tinan 2020

Rejiaun Adminsitrativa Espesiál Oé-Cusse Ambeno e...

Close