GASI husu públiku tulun vítima inséndiu merkadu Manatuto

Grupu Asaun Solidaridade Insentdiu (GASI) husu públiku atu voluntariamente kontribui sentavu lima ba vítima inséndiu  merkadu sentral iha munisípiu Manatuto.

Liu husi konferensia imprensa iha Jardim 5 de Maio, Colmera, Díli, Sábadu (01/06/2019), Grupu Asaun Solidaridade Inséndiu husu públiku atu voluntariamente kontribui sentavu lima ba apoiu vítima inséndiu  merkadu sentral iha munisípiu Manatuto.

Grupu Asaun Solidariedade Inséndiu (GASI). Foto:GMN

Porta voz Grupu Asaun Solidaridade Insentdiu, Cristalia Silva hateten  asaun solidaridade núdar jestu ida hamoris espíritu humanitáriu hafanun no konsensializa sidadaun no foinsa’e Timor oan.

“Solidaridade núdar asaun ida ne’ebe hamoris espíritu humanitáriu hodi hafanun no konsensializa sidadaun idak-idak ninia án. Liu husi asaun solidaridade Timor oan bele hametin relasaun humanismu entre ema ida ba ema seluk”, hateten Porta Voz GASI, Cristalia Silva.

Enkuantu grupu Grupu Asaun Solidaridade Insentdiu ne’e sei hahu halo asaun iha loron 4 fulan Juñu ne’e iha fatin públiku sira mak hanesan, iha luron ka estrada Jardim 5 de Maiu Colmera Díli, ba Iha resintu instituisaun privadas iha kapital Díli, iha resintu universidade privadas no públiku. Ito