Norberto : Harii uluk konsellu veteranu mak foin halo verifikasaun dadus

Porta Voz kaixa rejiaun Bivaque, Norberto Espritu Santo, husu ba governu atu harii uluk lai Konsellu Veteranus maka foin halo verifikasaun ba dadus veteranu sira nebe rejista iha 2009.

“Ha’u hanoin atu labele mosu infensoens dadus hanesan iha Komisaun Homenajen ne’eba, tenke harii uluk Konsellu Veteranus,  imi hatene ona ha’u uluk deputadu halo lei inan Timor Lorosa’e ami rua prezidenti Lú Olo, ami defini kedas ona veteranus buat ida, kombatente buat ida,” dehan Norberto Espírito Santo ba Jornalista sira iha palasio Prezidensial Nicolau Lobato, Bairo Pite-Dili, Sesta (14/06/2019).

Prezidenti Repúblika Francisco Guterres Lú Olo, enkontru ho kaixa Bivaque nee atu rona sira nia hanoin no preokupasaun kona-ba verifikasaun dadus ne’ebe mak hala’o husi Komisaun Homenajen.

Kona-ba Veteranus falsu ne’ebé durante ne’e sai polémika iha públiku, Xefe Estadu Maior Jeneral F-FDTL Major Jeneral Lere Anan Timur mós deklara sei lori dadus veteranus forsa armada nian ne’ebé durante tinan 24 fó sira nia kontribuisaun iha luta ba ukun rasik-an.

Antes nee mos parte Sekretariu Estadu assuntu Veteranus, Gil da Costa ‘Oan Soru’ hatete durante nee nia halo servisu hamutuk ho Komisaun Homenajen hodi identifika ona veteran falsu 1000 resin hodi hapara sira nia pensaun no lori ba prosesu iha tribunal.Eus