JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão halo tinan ba dala 73, Husu Timor-oan hotu atu servisu maka’as ba dezenvolvimentu TL

Xanana Gusmão halo tinan ba dala 73, Husu Timor-oan hotu atu servisu maka’as ba dezenvolvimentu TL

Líder karismátiku, Kay Rala Xanana Gusmão, Kinta (20/6/19), halo tinan ba dala 73 (1946-2019). Tanba ne’e, nia husu ba Timor-oan hotu atu labele baruk hodi servisu maka’as ba dezenvolvimentu Timor-Leste iha tempu agora no ba futuru mai.

“Ha’u husu deit mak buat ida iha demokrasia nia laran ita labele obriga ema ida-idak, maibe ba tok sira-nia fatin, ba tok sira-nia fuan para forma joven sira hotu sai sidadaun ne’ebé diak ba futuru. Sidadaun ne’ebé diak la’os ba joga bingo, ba joga  SDSB la’os ida ne’e, sidadaun ne’ebé diak loke nia kakutak lori haree Timor iha potensia saida? Timor atu dezenvolve presiza tan saida? Ida ne’e mak sidadaun responsavel, ida ne’e mak universidade sira atu kria ida ne’e, atu forma imi ne’e. Lalikan tau iha imi nia kakutak mai atu hasai S1, S2, S3, mai atu eduka-an, forma-an sai sidadaun diak, sidadaun matenek, sidadaun ne’ebé haree luan”, Líder karismátiku ne’e ba jornalista sira iha ninia serimonia aniversáriu ba dala 73 no komemora mós ezisténsia Resistencia Nacional dos Estudantes de Timor-Leste (RENETIL) ba dala 31 ne’ebé hala’o iha kampus Universidade da Paz (UNPAZ), Díli, Kinta  (20-06-2019).

Xanana Gusmão, mos husu ba dosente UNPAZ sira atu hahú diskuti kona ba ekonomia Timor-Leste nian ba oin.

“Ohin loron, se ita seidauk dezenvolve didiak ita-nia nasaun, ha’u husu iha universidade sira, komesa diskuti, komesa workshop, komesa halo konferensia kona ba ekonomia Timor-Leste. Ha’u hatene ita bo’ot sira matenek hasai teoria oi-oin iha liur, los. Saida mak ha’u aprende iha funu laran, katak hotu-hotu teoria bele diak, teoria ne’ebé atu hatudu dalan ba rezolve problema nasaun”,hatete Xanana Gusmão.

Nune’e mos, akadémiku ne’e mós deseza tinan naruk ba Kay Rala Xanana Gusmão atu bele kontinua luta ba povu no soberania Timor-Leste nian.

Lee hotu :   GASI husu públiku tulun vítima inséndiu merkadu Manatuto

“Baibain ema ho idade hanesan komandante da Luta Kay Rala Xanana Gusmão la’o mós hakruk de’it ona, maibe nia (Xanana) sei nafatin. Segredu la’os ita nian, maibe segredu mai husi uma ho ahi ne’ebé kontinua fó forsa no kbi’it ba nia fiar katak povu Timor tomak, agora dadaun akompañia  hela serimonia liuhosi nia oan sira ne’ebé mai husi lorosa’e no loron monu, husi tasi feto no tasi mane, halibur hamutuk iha fatin ne’e”hateten Reitor UNPAZ liuhosi nia breves palavras iha selebrasaun ne’ebé realiza iha salaun UNPAZ.

Lucas da Costa mós kongratula organizasaun RENETIL ne’ebé selebra mós loron ezistensia ba dala 31, iha tempu ne’eb’e hanesan no loron moris Kay Rala Xanana nian.

“Fó mós parabens ba RENETIL ne’ebé selebra nia tinan ba dala 31, parabens ba kuadrus no estrutura tomak RENETIL nian. Hamri’ik nafatin ho kompromísiu hodi akompañia  komandante da luta hodi liberta ita nia povu. Tanba RENETIL halo tinan, komandante mó halo tinan, ne’e destinu mak hakarak, destinu mós hakarak nia entrega nia an tomak ba povu no rai ida ne’e, hodi fó nia an ran ba ema ne’ebé presiza. Destinu mós hakarak nia sai líder ida no mestri ba povu tomak, destinu mós hakarak nia tenke sai komandante nafatin, tanba ita presiza komandante ida, Prezidente ne’e barak, prezidente bola nia mós iha, prezidente partidu nian mós iha, maibe komandante ne’e ida de’it, ”kongratula Lucas da Costa.

Iha fatin hanesa, doutor Jaime da Costa Sarmento esplika, atividade doasaun ran ne’ebé mak realiza husi CNRT, UNPAZ ho RENETIL hodi selebra selebrasaun aniversáriu ba tinan moris Kay Rala Xanana Gusmão nian dala 73. Hodi bele ajuda HNGV atu salva Timor oan sira ne’ebé moras no presiza ran turuk refere.

Lee hotu :   SAMES: Fasilidade ho medikamentu TL la sufisiente kombate COVID-19

“Ita hatene maun bo’ot ne’e ita hotu nian, ne’e duni ita uza oportunidade ida ne’e,  ita foti mós maun bo’o hanesan promotor ba doasaun ran ba povu Timor tomak, liuhosi karidade servisu sosial,

Atividade ida ne’e simples, la’os komemorasaun ne’ebé bo’otliu, hodi banati saida mak maun bo’ot nia papel sira, no nia servisu ne’ebé mak durante ne’e nia halo ba povu,

Liu hosi doasaun ida ne’e mós bele hatutan liu tan ba povu hotu, ba jerasaun foun sira, liu-liu ba juventude sira ne’ebé iha UNPAZ ne’e bele banati tuir saida mak maun bo’ot halo ona,”haktuir doutor ne’e.

Iha selebrasaun ne’e, dosente no estudante kuaze atus lima halo doasaun ran hodi oferese ba Hospital Nasionál Guido Valadares (HNGV) atu bele salva pasiente sira ne’ebé presiza ran.

Alende ne’e, líder rezistensia Kay Rala Xanana Gusmão mós entrega livru istória ida ba reitor UNPAZ nian, nu’udar surpreza simples ida, hodi nune’e enkoraja líder UNPAZ ne’e, atu bele forma juventude sira sai sidadaun ne’ebé di’ak no loos.

Xanana husu seminarista atu estuda

Nune’e mos, líder nasionál, Kay Rala Xanana Gusmão, husu ba seminarista sira iha Semináriu Menor Balide atu estuda maka’as, tanba semináriu fatin ida ne’ebé atu hari’i karakter, eduka kakutak no hahalok  atu sai sidadaun ne’ebé di’ak iha futuru.

Xanana salienta, nia partisipa iha misa ne’e, hodi husu perdaun ba Maromak, ba sala hirak ne’ebé durante ne’e nia halo ona.

“Aproveita oportunidade ida ne’e, ha’u mai iha ne’e atu husu perdaun ba Maromak ba sala ne’ebé ha’u halo bebeik, ita hotu  sala maibé  ha’u mak  sala liu ema hotu,  ha’u rekoñese ha’u nia aan” relata Lider Nasional Timor-Leste ne’e,  iha missa selebrasaun ninia aniversáriu ne’ebé hala’o iha Semináriu Menor Balide, Kinta (20/06/2019).

Lee hotu :   Reis Kadalak lasimu Xanana toba iha estrada-laran

Tuir Xanana, semináriu hanesan eskola ida  ne’ebé fó formasaun la’os buka matenek de’it, to’o hotu  hetan servisu   la’e, maibé hanorin sai sidadaun di’ak ida, importante agora sai sidadaun di’ak ida, ba rai ida ne’e.

“Tanba ne’e ba seminarista sira tenki estuda, estuda no estuda, disiplina,  servisu maka’as, hakraik aan, tanba semináriu nu’udar eskola ida ne’ebé di’ak ba ita-nia moris, tanba hadia ita-nia aan, ho hari’i ita-nia karakter, buat  hirak ne’e mak ita sei sai sidadaun ne’ebé di’ak, tanba ne’e imi tenki aproveita eduka imi nia aan, kakutak, hahalok, iha fatin ida ne’e”, afirma Xanana.

Entretantu, Padre Angelo Salsinha, ne’ebé prezidi missa ba  aniversáriu lider karismátiku ne’e nian hateten, moris ema nian dala barak liu hamrik hodi halai, duke tu’ur atu kaer kna’ar, hodi reflete, sukat no define oinsa la’o hamutuk, maibé la’os mesak.

“Ida ne’e mak ha’u hanoin esperensia ne’ebé ita-nia funu na’in sira, avo Nana hatudu ona iha tempu hirak liu ba, oinsa nia bele hala’o kna’ar ne’e to’o tinan 73. Memoria ita bo’ot halo ona ba povu no rai ida ne’e, no ba nasaun ida ne’e, tanba joven sira apriende ba hatene rona, moris hamutuk, apriende ba hodi fahe la’os husu no halai, memoria ne’ebé furak no kmanek, nune’e mak ita kompriende luta husi ita-nia funu na’in sira”, subliña Padre Angelo.

Nune’e mos iha média sosial facebook, Timor-oan sira ida-idak fo parabens ba líder karismátiku, Kay Rala Xanana Gusmão, atu vida naruk nafatin hodi lori dezenvolvimentu ba rai ida ne’e.say/oly/ety

Add to Comments Here!!!!

error: Content is protected.
Secured By miniOrange
You might also like:
DIA 21/06/19 || GMNTV LIVE STREAM || DADER KMANEK

DIA 20/06/19 || GMNTV LIVE STREAM || JORNAL NASIONAL KALAN

DIA 20/06/19 || GMNTV LIVE STREAM || JORNAL AS 12

Close