2020, Governu sei sosa bis ba estudante sira

Governu liu husi Ministériu Transporte no Komunikasaun (MTK), planeia ona iha tinan 2020 sei sosa bis ida atu fasilita tula estudante sira iha kapital Díli, ba eskola.

Tinan oin Ministériu Transporte no Komunikasaun, sei preve orsamentu hodi sosa bis ida atu fasilita estudante sira iha kapital Díli, ne’ebé dala barak iha tempu ezame motorista, transporte públiku sempre halo greve hodi fó impaktu ba estudante sira-nia estudu.

Governante ne’e rekoñese, durante ne’e Governu seidauk organiza didi’ak transporte públiku ne’ebé hala’o movimentu iha Díli laran, nune’e motorista sira halo asaun tuir sira nia hakarak.

“Governu tenki iha transporte alternativu ,tamba ne’e mak tau iha planu 2020 nian nune’e Governu atu hola Bus karik Bus ida oinsa no tula pasazeirus ema nain hira mak sa’e ,tamba ne’e ministeriu transporte komunikasões planeia ona atu preve nia orsamentu,transporte terrestre hau hato’o ba Primeiru Ministru katak,bazeia ba realidade ne’ebé  mak iha durante ne’e ita bele dehan transporte terrestre des-organizadu iha transporte publiku ,taxi,mikrolet,bus ne’ebé mai husi transporte privadu, maibe ita Governu seidauk organiza sira,tamba ne’e Governu sei kria asossiasaun ida ba sira para asuntu ruma ita bele koalia ho asossiasaun labele koalia kondutor”Ministru Transporte no Komunikasões  José Agustinho da Silva,hato’o asuntu ne’e hafoin hasoru malu ho Primeiru Ministru Taur Matan Ruak,iha Palásiu  Governu,Sesta (19/07).

Alende  transporte alternative,ministeriu transporte komunikasões mos kompromete sei hadia prosesu atribuisaun karta kondusaun ba  kondutor transporte publiku sira.tos