JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

DNEAPT treina servidór sira oinsa atende bainaka

DNEAPT treina servidór sira oinsa atende bainaka

Ministério Turismo Comérçio e Indústria (MTCI), liu husi Diresaun Nasional Empreendimentu Atividade no Produtu Turístiku (DNEAPT) fahe informasaun ba jerente otél, restaurante no ajénsia viajen atu fó atendindementu ne’ebé konfortavel ba bainaka estranjeira sira, ne’ebé atu mai partisipa iha komemorasaun loron 30, fulan Agostu ou loron konsulta popular iha Timor-Leste.

“Ita halo preparasaun, tanba MTCI mós faz parte husi seksaun programa kona-bá selebrasaun tinan 20, loron konsulta popular, iha loron 30, fulan Agostu no prezensa forsa internasionál (International Force for East Timor (INTERFET), nune’e loron ida ne’e hanesan oportunidade ida ita fó informasaun ba ita nia setór privadu sira atu prepara-an hodi simu bainaka estranjeira sira ne’ebé maka sei mai partisipa”, Diretór Jeral Turizmu (MTCI), José Quintas ba jornalista sira iha salaun Very Important Person (VIP), Centro Convenções de Díli (CCD), Sesta (04-07-2019).

Nia esplika, preparasaun atu simu bainaka ne’e importante tebes, tanba setór privadu sira nia papel fó atendimentu oinsa simu bainaka sira ne’ebé atu partisipa komemorasaun loron konsulta popular.

“Problema kona-bá lixu, ne’e problema ne’ebé mak viral teb-tebes, oinsa mak bele halo jestaun no restaurante sira mós preokupa kona-bá seguransa, dalabarak joven sira kalan uza motor kanu resin halo bainaka toba la dukur, nune’e ita presiza servisu hamutuk ho PNTL, liu-liu munisípiu Díli ho ita nia autoridade lokal sira, para ita bele haree problema hirak ne’e, ita ko’alia kona-bá indústria turizmu liga ho seguransa ne’e  importante teb-tebes”, tenik Diretór Jeral Turizmu.

Antes ne’e tuir Vise Xefi Estadu Maior Jenerál FALINTIL-Forsa Defeza Timor-Leste (F-FDTL), Falur Rate Laek ne’ebé hola parte mós iha komisaun organizadora ba selebrasaun loron istóriku konsulta popular, informa katak, Xefi Estadu na’in 10 mak to’o ohin loron konfirmadu ona atu partisipa iha komemorasaun tinan 20, loron konsulta popular no prezensa forsa INTERFET iha Timor-Leste.

Lee hotu :   Kareta MOPTK soke mate motorista ida iha Railaco

Tinan ida ne’e sai tinan istóriku no importante teb-tebes, tanba alende komemora tinan 17 Timor-Leste restaura independénsia, iha loron 20, fulan Maiu, komemora mós tinan 20 loron referéndum, iha loron 30, fulan Agostu  no prezensa INTERFET iha últimu fulan Setembru, tinan 1999. ety

 

Add to Comments Here!!!!

error: Content is protected.
Secured By miniOrange
You might also like:
GJMD ho PNTL hasai vendedór sira iha Comoro

Guarda Jestaun Munisípiu Díli (GJMD), ho...

Dom Basílio lamenta kazu omisídiu Liquiça

Bispu Dioseze  Baucau Dom Basílio do...

Fó últimu omenajen, PR Lú Olo: Samba 9 mak salva ami iha tempu difísil

Prezidenti Repúblika (PR), Francisco Guterres ‘Lú...

Close