Ema hetan mate-isin bebé ida iha Tasi-tolu

Komunidade Godino Lidia Ximenes,  nu’udar labarik ida, hetan   mate isin bebé  ida ema deskoñesidu soe hela iha  tasi ibun  Aldeia 12 Outobru, Suku Komoro, Postu Administrativu Dom Alexio, Munisípiu Díli. Godino Lidia Ximenes, hetan bebé ne’e  Sábadu (13/07/19), mais ou menus tuku 07 kalan oras Timor-Leste.

Tuir Godino Lidia Ximenes haktuir,  nia hetan bebé ne’e, wainhira nia ho  ninia kolega sira la’o halimar iha tasi        ibun,  maibe derpente  de’it nia sama plastiku  mutin ida  mamar no nia senti hakfodak tebes.

“Tanba  ne’e ha’u foti plastiku ne’e hiit husi tasi ninin mai rai maran, depois ha’u loke ba hare’e bebé mane ida, depois ha’u nia kolega sira fó hatene ba komunidade barak tebes mak mai  hare’e bebé  ne’e, no kontaktu kedas ba Polísia Forensik to’o kedas iha fatin  refere, hodi foti bebé ne’e ba iha mortuariu Hospital Nasionál Guido Valadares (HNGV).

Antes  ne’e mós, ema deskoñesidu soe  bebé ida iha Bairu Markoni Fatuhada, Bekora,  no ida seluk  soe besik Aeroportu Internasionál Nicolau Lobato, iha  Comoro Díli. Bebé sira ne’e maske komunidade hetan maibe kondisaun mate ona.

Kazu hanesan, akontese mós iha Aldeia Teca Hudi-Laran Postu Administrativu Nai-Feto  Munisípiu Díli, feto ida soe bebé ida iha uma mamuk ida ho kondisaun moris hela. avi