JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Renan Selak eleitu ba membru DN-CCLN no Aurélio lidera Lautém iha konferénsia munisipál

Renan Selak eleitu ba membru DN-CCLN no Aurélio lidera Lautém iha konferénsia munisipál

Konferénsia munisipál Veteranu Kombatente Libertasaun Nasionál (KVLN) rejiaun 1 (UM) Ponta Leste, veteranu Faustino dos Santos ‘Renan Selak’ eleitu ba membru Diresaun Nasionál (DN) Konsellu Kombatente Libertasaun Nasionál (CCLN-Sigla Português). Entretantu Aurelio Freitas eleitu hodi lidera Konsellu Kombatente Libertasaun Nasionál Munisípiu Lautém.

Primeira konferensia munisipál Veteranu Kombatente Libertasaun Nasionál rejiaun Ponta Leste hala’o iha Lospalos Villa, Munisípiu Lautém, durante loron rua, husi 02-03 fulan Jullu ne’e.

Sesaun primeira konferensia munisipál veteranu kombatente libertasaun iha rejiaun ponta Leste Munisípiu Lautém, abertura husi Sekretáriu Estadu Veteranus Kombatentes Libertasaun nasionál ‘Gil Oan Soru’ no marka prezensa mos husi komandante rejiaun ponta Leste atual Xefe Estadu Maior Jenerál  FALINTIL-Forsa Defeza Timor-Leste (F-FDTL), Majór Jenerál Lere Anan Timur segundu komandante rejiaun ponta Leste atual brigadeiru jeneral João Miranda Aluk, brigadeiru jeneral Maunana no mós membru PNTL sira munisípiu Lautem.

Konferensia ne’e organiza husi komisaun instaladora no partisipante sira mai husi veteranu, veterana inklui jerasaun patriota kuaze na’in atus tolu  mai husi postu administrativu, Lospalos, Iliomar, Luro, Lautém no Tutuala.

Iha loron dahuluk, partisipante konferesia aprezenta pakote rua, kada pakote iha ema na’in tolu hanesan membru no entre pakote rua lidera husi veteranu Renan Selak hanesan ema númeru um.

Nune’e rezultadu votasaun hatudu, pakote A hanesan vensedór ho votu 161, no votu 122 ba pakote B no nulu 2.

“Maluk barak que publikamente ami invalida tiha ona dadus, ida ne’ebé ami rona katka iha sitema bagi dua, sai ona veteranu kategoria oioin, oito á 14, 15 á 19, e buat sira ne’e ami sei buka legalidade, e sei haree estatutu atu bele defgini knár konsellu nian iha estatutu hodi ami bele bok mos buat ne’ebé iha ona ne’e. H’au sei reprezenta interese konsellu munisipál Lautém ninian atu tur iha ne’ebá, e buat hotu ne’ebé ha’u haree katak seidauk,entaun ha’u propoin e tenke aumenta”, hateten membru eskollidu ba diresaun nasionál CCLN  Libertasaun Nasionál, Faustino dos Santos ‘Renan Selak’.

Lee hotu :   Komemora loron traballador, KSTL husu salariu minimu US $200,00

Aurélio Freitas lidera Munisípiu Lautém

Iha loron daruak konferensista sira aprezenta pakote rua kada pakote iha ema na’in lima nu’udar membru ne’ebé diferente. Hafoin votu sekreta rezultadu votasaun hatudu pakote A ne’ebé lideradu husi Aurélio Freitas hanesan vensedór ho votu 185, votu 85 ba pakote B, branku 18 no nulu 1.

Hafoin simu pose, Aurélio Freitas hateten agradese ba konfiansa tomak no promete sei halo servisu másimu hodi rezolve problema veteranu iha munisipiu Lautém.

“Ami kompromete nafatin atu mobiliza ami nia kbít tomak atu hala’oami nian kompromisiu, vizaun no misaun ne’ebé mak ami hato’o ona ba na’i veteranu sira hotu,” hateten Prezidente CCLN Munisipiu Lautém, Aurélio Freitas.

Primeira Konferensia Munisipál veteranu kombatente libertasaun iha rejiaun ponta Leste munisípiu Lautém ba loron daruak nian kontinua marka prezensa husi segundu komandante rejiaun Ponta Leste atual Brigadeiru Jeneral João Miranda ‘Aluk’, brigadeiru jeneral Maunana no hetan mós prezensa másimu husi veteranu sira, husi postu administrativu lima iha munisípiu refere no hetan seguransa másimu husi PNTL munisípiu Lautem.

Durante konferénsia ne’e hetan mós observasaun husi entidade, públiku  no organizasaun naun governamentál iha Munisípiu Lautém. Ito

Add to Comments Here!!!!

error: Content is protected.
Secured By miniOrange
You might also like:
Postu Polísia Komoro uza ba fa’an fali sasán

Postu Polísia ne’ebé mak harii husi Governu...

AMD distribui sasán Xineza ba orfanatu Santa Clara

Autoridade Munisípiu Díli, liu husi Jestaun...

Konfrontu entre joven iha Bekora, Rezulta joven na’in rua kanek no kareta ida rahun

Polísia Nasionál Timor-Leste (PNTL), detein suspeitu...

Close