JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu fó foos dodok ba Paroquia Nossa Senhora do Rosário de Fátima Iliomar

Governu fó foos dodok ba Paroquia Nossa Senhora do Rosário de Fátima Iliomar

Governu liu husi Ministériu Solidaridade Sosial no Inkluzaun (MSSI) fó foos saka 60 ba sarani paroquia Nossa Senhora do Rosário de Fátima Iliomar ho kondisaun aat ona, tanba foos hirak ne’e tein loron rua mós seidauk bele tasak.

Porta voz komisaun organizadora  ba festa entrega Cruz Joven ,Fernando Cardoso de Deus  alias “Teki Timor” hato’o lia hirak ne’e iha nia intervensaun iha entrega Cruz Joven husi Iliomar ba Lolotoe, munisipiu Bobonaro, Sabadu (24/08), iha Iliomar.

“Hau hanesan membru komisaun organizadora ba eventu ida ne’e ,hau preukupa tebes no laran tristeza bo’ot ba fós ne’ebé apoiu husi Ministériu Solidaridade Sosial ho 60 sakas ne’ebé ho kondisaun at no dodok ,tamba ne’e eventu nasional ,laos serimónia ki’ik ida ne’ebé Iliomar oan sira realiza iha ne’e mesak ,maibe sarani mai husi parokó iha Timor laran tomak, fós ne’e Governu fó apoiu ba sarani ,maibé sarani ne’e ema ,laos animal ,tamba tuir lolos fó ne’e fó han ba animal ne’e, hau moe liu fali governante ne’e,tamba fós ne’e at ona atu ba soe ona mak lori mai atu fó han ba sarani sira ,fós sakas 60 ne’e parte konsumsi konsege tein karun 6,maibé ladiak nafatin nune’e fó han ba fahi de’it ,Hau husu ho hakraik ba Governu atu iha loron seluk labele remete attitude ne’e,tamba komunidade ne’e laos animal governu nian” hatete Fernando Cardoso de Deus.

Teki Timor dehan nudar sarani Iliomar oan senti moe no lamenta tebes ba apoiu governu nian nee.

“Ami Sarani parokó Nossa senhora do Rosario de Fatima Iliomar, sente moe no lamentavel tebes ba apoiu fós ne’ebé Governu liu husi MSSI fó ho kondisaun dodok no at ona. Tamba fós sakas 60 ne’ebé Ministériu Solidaridade Sosial oferese ba parokó Iliomar ne’e,atu tein hodi sarani sira han,maibé to’o ikus la konsege fó han ba sarani sira, tamba fós refere komisaun kosumsi tein to’o loron rua mós la tasak”, lamenta teki Timor.

Lee hotu :   Loron Internasional Direitu Umanu, PR atribui premiu Sergio Vieira de Mello ba ema nain nen

Nia konsidera fós ne’e la merese tein hodi fó han ba ema, maibé tenki fó han ba animal sira hodi han.

Ba problema nee,Sekretariu Estadu Komunikasaun Sosial Mericio Juvinal dos Reis Akara, husu deskulpa ba sarani  parokó Nossa Senhora do Rasario de Fatima Iliomar.

Governante ne’e simu no agradese ba kritika husi sarani sira ,tamba ne’e membru governu ne’e promote, sira sei hadia jestaun no servisu diak liu tan iha futuru mai.

 “Hanesan governante ita simu kritíka husi ita nia komunidade liu-liu ho komisaun organizadora liga ho apoiu balun ne’ebé governu oferese ne’eduni ita tenki rekoñese no husu deskulpa ,maibe ba oin ita tenki hadia ita nia servisu diak liu ,ne’ebé kritíka ohin komunidade ba governu, ami simu no agradese,tamba ida ne’e mak masukan diak ba governu atu ami bele hadia jestaun diak liu ne’eb’e ami agradese ba kritika”, dehan Sekretariu Estadu Komunikasaun Sosial (SEKOMS),   Mericio Juvinal dos Reis Akara.Tos

Add to Comments Here!!!!

error: Content is protected.
Secured By miniOrange
You might also like:
Mari Alkatiri: Joven presiza kompriende importánsia husi loron konsulta popular

Sekretariu Jeral FRETELIN, Mari Bin Amudi...

PM Taur: Timor-oan hotu sei hahí eroi ne’ebé mate ba independénsia TL

Primeiru Ministru (PM), Taur Matan Ruak,...

Dom Basílio: Ratifika tratadu FM importante ba Timor-Leste

Bispu Dioseze Baucau Dom Basílio do...

Close