JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Montana Diak abandona projetu iha UEP

Montana Diak abandona projetu iha UEP

Komandate Unidade Espesial Polísia (UEP), Polísia Nasional Timor-Leste (PNTL), Superintendente Afonso dos Santos hateten, tanba kontratu laiha kompañia Montana Diak abandona projetu konstrusaun kampu parada no salaun própriu postu seguransa iha UEP, Bairo Píte-Díli.

“Kompañia Montana Diak abandona projetu konstrusaun salaun própriu, kampu parada, edifísiu ba EOD, postu seguransa guarda no fatin atu tau matéria, liu-liu ba iha pelotaun CAT, razaun kompañia abandona projetu ne’e, tanba laiha kontratu, maibé kompañia halo ona konstrusaun 50% no hein 50% atu finaliza, maibé governu la selu, nune’e kompañia abandona servisu, konstrusaun ne’e kualidade, ami kontenti, maibé ami husu governu tenke finaliza la-lais projetu ida ne’e, nune’e kria kondisaun ba ami  no la afeita ba ami nia movimentu treinamentu no ami atu rai ami nia  ekipamentu”, Komandante UEP ne’e ba GMN, foin la-lais ne’e.

Nia esplika, Montana Diak halo konstrusaun ne’e bazeia ba orientasaun husi eis Ministru Planeamentu Investimentu no Estratejíku (MPIE), Kay Rala Xanana Gusmão, liu husi Ajensia Dezenvolvimentu Nasional (ADN), maibé wainhira halo konstrusaun to’o 50%, kompañia abandona, tanba governu lakohi selu.

“Konstrusaun ne’e hahu iha tinan 2016, ami haree kompañia ne’e halo konstrusaun ho kualidade, ami kontenti, maibé husu ba governu atu haruka kompañia finaliza la-lais projetu refere”, dehan Afonso dos Santos.

Hatán ba kestaun ne’e deputadu komisaun E ne’ebé trata asuntu Infra-Estrutura Parlamentu Nasional (PN), Favião Oliveira kompromete, sei husu ba governu liu liu Ministériu Obras Públika (MOP) halo kontratu la-lais ho kompañia refere, hodi kontinua halo konstrusaun.

“Ha’u hanoin kampaun kazerna husi UEP nian ne’e importante ba seguransa internal, iha ita nia rai laran, ba ha’u tristi tebes kuandu konstrusaun ne’ebé seidauk konklui, ami hanesan membru komissaun E urjentimente tenki konklui obra ida ne’e, tenki trata dignu ba ita nia seguransa sira BOP ho UEP, tanba sira mak kaer seguransa internal iha ita nia rai laran”, dehan Favião.

Lee hotu :   Embaixadór Xina ba TL: Hahán husi Xina iha TL la transmite COVID-19

Kompañia Montana Diak hahú konstrusaun iha tinan 2016, bazeia ba orientasaun husi  eis MPIE, Kay Rala Xanana Gusmão, liu  husi ADN, haruka kompañia refere halo konstrusaun.

Entretantu to’o notisia ne’e públika jornalista seidauk hetan konfirmasaun husi parte kompañia Montana Diak. ety

Add to Comments Here!!!!

error: Content is protected.
Secured By miniOrange
You might also like:
Autoridade RAEOA la entrega dokumentu ba ekipa tranzisaun husi Governu sentrál

Ekipa Tranzisaun ne’ebé nomeia husi Governu...

Marí Alkatiri: Timor-Leste labele kontinua moris ho nostaljia

Sekretáriu Jeral (SekJer) partidu FRETILIN, Marí...

Anin sobu uma 16 ho eskola ida iha Camea

Anin boot ne’ebé akontese iha Sesta...

Close