JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: Timor-oan hotu sei hahí eroi ne’ebé mate ba independénsia TL

PM Taur: Timor-oan hotu sei hahí eroi ne’ebé mate ba independénsia TL

Primeiru Ministru (PM), Taur Matan Ruak, hateten, Timor-oan hotu sei hahí no hana’i eroi sira, tanba lori sira mak Timor-Leste (TL) sai nasaun ida independente.

Xefe governu no eis gerileiru, Taur Matan Ruak koalia asuntu ne’e, durante partisipa iha seremonia haloot restus mortais Saudozu António Cepeda ho nia oan feto saudoza Lucia Tilman Cepeda iha semitériu Manico, Munisípiu Manufahi, Sábadu (24/08/2019).

“Sira mak ita-nia eroi, tanba lori sira mak ita moris, lori sira mak nasaun moris, sira nia isin lolon mak mate, maibe sira memoria la mate, e jerasaun ba jerasaun sei hahi sira e sei hana’i sira. Hau lori governu no Estadu Timor, agradese no fó obrigadu ba familia Cepeda ne’ebe fó nia aman no feton para harii ita nia nasaun ida ne’e, e hau nia agradamentu ida ne’e extensiva mos ba sira hotu mate ba rai ida ne’e, maske familia sira seidauk hetan sira nian ruin,” hateten PM, Taur Matan Ruak.

Saudozu Antonio Cepeda ho saudoza Lucia Tilman Cepeda nudar oan feto rasik, sira nia restus mortais familia sira lori sai husi rezidensia oan mane nia uma iha bairo nú-laran, Same Vila.

Familia sira akompaña hodi husu misa agradesementu iha Igreja Nossa Senhora Imaculada de Conceição Same. Hafoin remata kontinua lori saudozu no saudoza ba iha semitério Manico Same hodi haloot restus mortais.

Saudozu Antonio Cepeda Moris iha Nítibe Oe-Cusse iha loron 01 fulan Junho 1934, oan husi Abílio Agosto Cepeda (nasionalidade Portugues) no In-Cap (husi Oe-Cusse).

Saudozu António Cepeda estuda iha seminário Soibada no Dare ho objetivu atu sai Saserdote,  maibe iha dalan klaran, saudozu hili dalan seluk. Saudozu Antonio Cepeda husi Soibada no Dili ba Same, hodi servisu núdar funsionáriu iha Administrasaun Konsellu Same nian.

Lee hotu :   Veteranu sira iha Ossu kuda ai-oan hodi minimiza dezastre naturál

Saudozu Antonio Cepeda kaben ho Graciana Tilman Cepeda husi Dai-Soi Babulo, Same. Husi sira nain rua nia kazamentu hetan oan nain 10 rua mate ualo moris.

Hanesan eis seminarista saudozu António Cepeda mos ativa iha vida espirirtual núdar ema Katóliku pratikante. Saudozu mós hola parte nudar prezidente komisaun ba konstrusaun Igreja Imaculada de Conceição Same.

Iha tinan 1974 bainhira governu Portugués fó liberdade ba povu provinsia ultramarina, Timor harii partidu politiku hodi desidi Timor nia destinu rasik Antonio Cepeda afilia ba partidu ASDT/Fretilin. Husi nia afiliasaun ne’e partidu ASDT/Fretilin fo fiar hodi nomeia nia nudar lider máximu partidu nian iha rejiaun Same.

Saudozu Antonio Cepeda nomeadu nudar prezidente comite rejional ASDT nian no bainhira ASDT nakfilak ba Fretilin, no nia asume nafatin kargu ne’e ho naran Secretario do Comite Rejional Fretilin.

Iha tinan 1975 bainhira indonesia invade Díli, lider boot Fretilin nian hanesan saudozu Nicolao Lobato, Cesar Maulaka, Juvinal Inacio (Serakei), Eduardo dos Anjos (Kakuuk), Natalino Leitão ho seluk tan, sira evakua ba hela hamutuk ho saudozu Antonio Cepeda nia rejidensia,  iha ne’ebá hamutuk ho kuadrul lokal Fretilin nian.

“Ha’u kuandu rona katak rekoila ona restus mortais amigo Antonio Cepeda, hau tenke mai atu fó homenajen ikus, ba ema ida que desde primeira hora luta fó nia an ba mate hamutuk ho nia oan feto, e ida ne’e mak hau triste tanba karik sira ne’e hotu mak moris to’o mai ukun an, ita nia nasaun forsa oin seluk atu haríi ka dezenvolve ita nia rai,” hateten Antigo Amigo husi Saudozu, Abílio Araújo.

Lee hotu :   IPTL ezije ba PN-MJ altera lei kódigu sivíl

Saudozu Antonio Cepeda organiza evakuasaun populasaun Same ba ai-laran hodi halo rezistensia hasoru invazór.

Tanba fiar ne’ebe líder Fretilin sira fó ba nia iha tinan hanesan iha 1975  iha baze de apoiu nia asume nafatin kargu ne’ebe partidu fo ba nia ho naran foun asistente politiku rejional fretilin nian. Hamutuk ho kuadru politiku no militar rejiaun Same nian hodi halo rejistensia hasoru invazor sira to’o militar indonezia sita kaer nia iha Manu-Mera Same, iha fulan janeiro 1979.

Iha fulan março tinan 1979 militar indonesia sira lori ba alas no oho nia iha ne’eba hamutuk ho kuadru Fretilin nain 11.

Familia sira orgulho tanba hola parte iha história luta ba libertasaun nasionál.

“Hau mak akompaña nia (Saudozu Antonio Cepeda) sai kadeia molok ema lori sira ba oho, e hau nia aman hameno mak ne’e, tenke eskola haree inan faluk ho maun alin sira, e ohin loron ami hamutuk duni hodi buka tuir ami nia aman nia ruin hodi haloot besik iha nia rate,” hateten Oan Mane, Chiquito Cepeda.  

Saudozu Lucia Tilman Cepeda  moris iha Same iha 16 fulan Dezembro 1959, oan ba datoluk husi saudozu António Cepeda  no Graciana Tilman Cepeda. Lucia Cepeda eskola iha Same to’o halo terceiro ano comercio iha eskola tecnika Díli.

Iha 1974 bainhira partidu moris Lucia Cepeda asume kargu nudar dirijente organizasaun popular de mulher de Timor (OPMT) Same nian, sai nafatin dirigente OPMT nian bainhira evakua ba Tutuluro.

“Ha’u fuan moras tebes, tanba falta kolega ne’ebe ho hanoin kapas ne’ebe terus ba ema hotu nia liberdade, iha ikus nia la goza, maibe nia mate, no ikus ema seluk la terus ne’e goza fali,” hateten Membru OPMT Munisipio Manufahi, Marcelina Da Silva Araújo ‘SIBA’.

Lee hotu :   CEPAD realiza grande debate ho tema “Liberdade Asesu ba Informasaun, Promove Governasaun Inkluzivu, Partisipativa, Transparente no Responsável”

Nia kaben ho Rosalino Gouveia Leite segundo komandante sectór centru sul iha Bubu-Lau, Tutuluro iha 1977, tanba la iha padre iha altura ne’eba sira nia kazamentu selebra liu kona rejistu sivil ho Xavier do Amaral  prezidente RDTL iha momentu ne’ebá no Hamis Bassarewan Comisaria Politico Centro Sul nudar tesmunha.

Depois de kazamentu nia muda ba hela ho nia laen iha baze de apoiu area fatuberliu nian no aktiva nafatin hala’o aktividade politika OPMT nian hamutuk ho kuadrus OPMT sira seluk. Saudoza Lucia Tilman Cepeda mate iha novembro 1978 no hakoi iha We-Hada Same.Ito

Add to Comments Here!!!!

error: Content is protected.
Secured By miniOrange
You might also like:
Dom Basílio: Ratifika tratadu FM importante ba Timor-Leste

Bispu Dioseze Baucau Dom Basílio do...

Dia 26/08/2019 || GMNTV LIVE STREAM || DADER KMANEK

Dia 25/08/2019 || GMNTV LIVE STREAM || JORNAL NASIONAL KALAN

Close