Rezultadu avaliasaun projetu 143 sei fó sai iha tempu badak

Ministeriu Obras Publikas sei fó sai rezultadu avaliasaun ba projetu 143 ba publiku iha tempo badak. Total projetu 143, projetu 96 mak hetan kontratu no 40 resin sedauk hetan kontratu.

Antes ne’e, Primeiru Ministru Taur Matan Ruak desidi tiha ona ekipa ne’ebe lideradu iha gabinete Primeiru Ministru nian para halo avaliasaun no rezolusaun ruma ba projetu sira ne’ebe seidauk iha kontratu.

“Sé ha’u la sala 96 projetu mak iha kontratu, 40 resin mak sedauk iha kotratu, ne’ebe ita sei hein hela ekipa avaliador ne’ebe lideradu husi vise Primeiru Ministru nian sei fo sai iha tempu badak,” dehan Ministru Obras Publikas, Salvador Pires ba Jornalista sira, Kuarta (14/08/2019), iha Palasio Governu.

Tuir, governante nee katak projetu 143 sai polimika boot katak maske sira (MOP) mak dona de projetu, sira nia atribuisaun tuir lei aprozionamentu ba Ministeriu nian, liña ministeriu nian  miliaun ida.

“Entaun projeitu 1 miliaun ba leten nia kontratu Primeiru Ministru mak asina, kuandu Ministru asina tenke delegasaun kompetensia ba Ministru rasik, depois rejultadu husi komisaun inkeritu parlamentar no mai Governu,” dehan, Ministru Obras Publikas ne’e.

Antes ne’e, Komisaun Inkeritu Parlamentar (KIP) halo ona fiskalizasaun ba iha projetus 143 ne’ebe governu aprezenta antes governu halo pagamentu. Eus