Vatikanu sei komemora tinan 30 SP. João Paulo II vizita TL  Konvida PR Lu-Olo atu partisipa

Reprezentante Vatikanu iha Timor-Leste (TL), Monsenhor Marco Sprizzi  hatete, sira sei komemora tinan 30 Santo Padre João Paulo II vizita TL. Tanba ne’e, sira konvida Prezidente Repúblika (PR) Francisco  Guterres Lú Olo  atu partisipa komemorasaun ne’e iha Timor-Leste.

Monsenhor haktuir, komemorasaun  tinan 30 vizita Santo Padre João Paulo II iha Timor-Leste ne’e,  sei hala’o ho seremonia missa solene iha Igreza Katedral Díli.

“Ha’u mai iha ne’e enkontru ho Prezidente Rrepúblika , no  enkontru la’o diak tebes, ohin (horseik) ha’u iha ne’e atu entrega ba Prezidente da Repúblika, konvite hodi husu nia prezensa iha komemorasaun tinan 30 visita amu Papa João Paulo II nian mai Timor-Lerste. Serimonia ne’e sei hala’o iha loron 11 fulan Setembru, iha igreja Katedral Díli. Ha’u hoto’o mós saudasaun, bensaun no atensaun  husi Santo Padre Francisco ba Timor-Leste ba Prezidente Repúblika no Povu Timor Leste tomak”, hatete Monsenhor Marco Sprizzi  ba jornalista sira, hafoin hasoru malu ho Prezidente Republika, Francisco Guterres Lú Olo iha Palásiu Prezidente Nicolau Lobato Bairo Pité Díli, Kusrta(21/8/2019).

Tuir ajenda, seremonia komemorasaun tinan 30  vizita João Paulo II  ne’e,  sei hala’o ho misa solene  no mós sei iha programa konfraternizasaun  hamutuk ho korpu diplomátiku sira  no mós konvidadu sira seluk .

Fó hanoin katak,  São João Paulo segundu  nu’udar segundu santo ne’ebé mak  konsege vizita rai Timor iha  loron 12 Fulan Outubru tinan 1989,  wainhira situasaun polítika iha rai laran sei manas,  tanba sarani no povu em jeral  moris iha presaun no okupasaun  invajaun militar Indonézia nian.

Maibé saseluk Jesus Kristu nian,  Igreja Katólika nia ulun bo’ot,   no Xefe Estadu Vatikanu nian  ne’e  konsege hakat mai to’o iha rai Timor  hodi selebra missa iha Tasi Tolu-Díli,  no fó naran ba rai Timor nu’udar terra de santa Maria  no bolu foinsa’e Timor mak masin no naroman mundu nian. No foin dadaun ne’e Governu Timor-Leste hili São Paulo Segundu   nu’udar mahein ba Edukasaun Timor Leste nian.ola