JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aniversáriu loron Konsulta Popular ba dala 20 remata, Xanana husu juventude mantein paz no dame

Aniversáriu loron Konsulta Popular ba dala 20 remata, Xanana husu juventude mantein paz no dame

Prezidente Komisaun Organizadora Aniversáriu  loron Konsulta Popular Timor-Leste (TL) ba dala rua nolu (20) , Kay Rala Xanana Gusmão, husu ba povu  TL, liu-liu juventude sira atu mantein paz no estabilidade rai laran hodi Estadu bele hala’o dezenvolvimentu iha Timor laran tomak.

Xanana haksolok ho atetude Timor-oan sira nian, tanba  maske aktividade komemorasaun hala’o durante fulan ida hahú husi  loron  tolu nolu fulan Jullu to’o  loron 30 fulan Agostu maibé,  la’o ho diak no iha ámbitu ne’ebé mak nakonu ho dame ho paz, tanba ne’e husu ba juventude loriku asuwain iha teritóriu Timor laran atu mantein kria paz no estabilidade.

“Povu ida ne’e, povu ida ne’ebé iha funu laran hatudu duni brani no determinasaun bo’ot, latauk mate hasoru violensia no intimidasaun no ameasa oi-oin, iha fulan ida tomak ida nia laran hatudu maturidade, hatudu katak, nia hadomi dame, paz no hakiak estabilidade, furak tebes ita konvida maluk sira husi rai barak ne’ebé mai partisipa iha ita-nia selebrasoens sira fila ho konvikasaun no serteza ida katak, Timor ho nia oan sira matenek hanesan ne’e, iha duni dalan los atu dezevolve iha futuru”,  hateten Xanana iha nia mensajen hodi fó agradesimentu ba povu TL no juventude iha teritóriu Timor laran tomak,  iha Ministériu Finansas Aitarak laran Díli Segunda (2/9/2019).

Alende husu atu Timor-oan tomak mantein paz no estabilidade, Xanana mós husu ba juventude sira atu labele fó fatin ba grupu organizadu sira ne’ebé tenta atu estraga estabilidade rai laran.

Tanba Tuir Xanana,  prosesu ukun aan ba nasaun ida ne’e hodi isin no ran, inklui ruin naklekar tanba ne’e entidade hotu iha responsavel atu kuidadu no tane aas.

Lee hotu :   PR Lú Olo halo kampaña nasionál kuda ai-oan

“Hanesan Prezidente  Komisaun Organizadora ba selebrasaun Aniversáriu Konsulta Popular TL nian, ami husu deskulpa karik iha failansu ruma, tanba nu’udar ema, ami mós la ses husi sala  maibé, ami agradese tebes ba juventude Timor-oan, iha funu laran mosu loriku asuain ohin mosu nafatin loriku asuain joven sira ne’ebé hatudu katak, ita sei iha susar nia laran, los duni tanba Estadu ho de’it tinan  17 labele rezolve problema hotu iha ita-nia rain ho ida ne’e fó laran ba dame, fó laran ba estabilidade ita-nia manan bo’ot mak iha ida ne’e, ita hotu kontenti, ita hotu hatudu ba mundu katak,  ita iha dalan ne’ebé los, ita rasik mak kria no ita rasik mak halo, tanba ne’e ha’u agradese tebes ba juventude, ha’u agradese ba sosiedade tomak ba komunidade hotu husi Lautem to’o Oe-cusse, no liu-liu iha Díli laran, nune’e nafatin ba nafatin no hadomi nafatin malu ba”, Xanana hateten.

Prezidente  Komisaun Organizadora ba selebrasaun Aniversáriu Konsulta Popular haktuir, entidades hotu kontinua hanorin nafatin disiplina ba malu, nune’e nasaun ida ne’e labele nakonu ho krime no instabilidade.

“Hakuak malu nafatin ba, ita halo selebrasaun tanba sa?, tanba iha tinan  21 nia laran, imi hotu hatene, imi hotu rona no imi hotu akompaña katuas sira ne’ebé uluk terus iha funu laran ne’ebé liu dadauk ona ba dadauk ona, ohin loron joven sira ne’ebé nakonu Díli laran ne’e no mós iha foho iha Munisípiu sira, iha 1999 balun seidauk moris, barak tebes seidauk moris balun foin tinan ida, balun foin tinan 5, balun foin tinan 7 ladun kompriende sofrementu sira-nia inan aman sira halo iha 1999 ida ne’e hanesan relembra ba joven sira, envez  baku malu, oho malu relembra katak, ohin loron labele tan ona iha fatin ba grupu-grupu sese deit atu soran malu, hadomi malu hanesan foin dadauk, ita hatudu ba mundu tomak, fiar ba futuru iha funu laran la’os ita tama funu manan kedas tinan 24, liu tiha tinan tolu populasaun mai hotu vila laran forsa barak rende, barak lakon no povu sei fiar , fiar ba futuru ida ne’ebé naruk tebes lori isin ho ran mak konkista, tanba  ne’e imi ohin loron iha ona ukun aan nia laran labele ansi, labele ezije demais bainbira imi fiar imi nia aan, bainhira imi hakarak kontribui ho saida deit  imi bele halo futuru sei iha imi nia laran imi mak sei tane Timor ne’e nia distinu”, tenik Xanana.

Lee hotu :   Tiru gas lakrimojéniu ba manifestante krime

Xanana mós hato’o hakuak bo’ot ba ba juventude hotu atu bele iha hanoin didiak estabilidade Timor-Leste nian, ne’ebé funda ona husi ferik ho katuas sira ne’ebé mak   oras ne’e balun liu tiha ona no balun hela de’it tinan balun.

“Ha’u agradese ba ferik no katuas sira ne’ebé mak bele mai fila fali, lembra fila fali uluk terus uluk nian, balun hasoru ha’u ho matan ben, mas la’os matan ben triste maibé, matan ben ksolok nian katak, sira-nia terus iha folin, folin mak ne’e estabilidade paz hodi hanoin ba progresu, hodi hanoin ba dezenvolvimentu ita-nia rain nian, katuas ferik sira ne’e ami hasoru malu hakuak malu sira ne’e tanis, la’os mai dehan ami sei terus nafatin, ami sei kiak nafatin lae, ksolok tebes tanba sira senti todan ne’ebé mak sira simu no lori iha duni folin, tanba ida ne’e mak joven sira, ha’u apelu ba imi, bainhira imi hanoin didiak atu bele partisipa iha estabilidade, imi sei prontu atu partisipa iha dezenvolvimentu ita-nia rain nian”, apela Xanana.ola

Add to Comments Here!!!!

error: Content is protected.
Secured By miniOrange
You might also like:
PN simu ona desizaun vetu ba LAP-LFP, Presiza de’it maioria kualifikada atu halo konfirmasaun votus

Prezidente Parlamentu Nasionál (PPN), Arão Noe...

Dia 02/09/2019 || GMNTV LIVE STREAM || JORNAL NASIONAL KALAN

Constâncio Pinto: KO la tau atensaun ba autor ne’ebé luta ba Independensia

Prezidente Komite Orientador 25, Constâncio Pinto...

Close