Constâncio Pinto: KO la tau atensaun ba autor ne’ebé luta ba Independensia

Prezidente Komite Orientador 25, Constâncio Pinto hatete, preparasaun ba komemorasaun loron Konsulta Popular 30 de Agustu no Misaun Interfet tinan ne’e lao ladun diak, tamba Komisaun Organizadora (KO) ba Komemorasaun ladun tau atensaun ba autor ne’ebé uluk luta ba independensia atu mai partisipa hotu iha loron importante ne’e .

“ Ha’u hakarak ami nia preokupasaun ne’ebé komite iha, relasiona ho loron Konsulta Popular 30 de Agustu, “ tamba iha komíte nia laran barak mak sente marjilinizadu, ne’ebé ami husu ba komisaun organizadora laos maun bo’ot Xanana maibé ema ne’ebé servisu ho maun Xanana, atu atensaun tamba iha momentu sira hanesan ne’e iha ema barak ne’ebé uluk fo an ba mate hodi hetan independensia, la hetan konvite atu partisipa iha loron importante sira hanesan ne’e no sira mos hakarak hetan hotu rekonsimentu”, deklara Prezidente Komite Orientador 25, Constâncio Pinto, ba JN-Diário, Sábado (31/08/2019) iha Sede Komite Orientador 25 Vila-Verde Dilí.

Maibe nia dehan, Prezidente Komite Orientador 25 haktuir, embora Maun Kay Rala Xanana Gusmão, nia intensaun diak tebes atu halo serimonia ne’ebé susesu tebes ba povu tomak,  inklui fo rekoñesimentu ba partisipasaun no kontribuisaun husi komunidade internasional nian, maibé parte komíte rasik haree preparasaun komisaun nian ba komemorasaun 30 de Agustu lao ladun diak.

Nia sublina, rekonsimentu laos dehan atu fo osan no seluk maibé atensaun ba sira nia prezensa iha serimonia importante sira hanesan ne’e, tamba iha autor barak ne’ebé la partisipa iha serimonia sira hanesan ne’e tamba la simu convite husi komisaun organizadora.

“ Ida ne’e lamentavel husi komíte tamba komíte rasik ne’ebé hakerek hela historia Timor nian mos la hetan konvite atu partisipa iha eventu importante ida ne’e”, afirma Prezidente Komite Orientador 25 Fel