JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eleitu ba Prezidente KVMA, Loro Mesak promete tau aas interese veteranu

Eleitu ba Prezidente KVMA, Loro Mesak promete tau aas interese veteranu

Prezidente eleitu Konsellu Veteranu Munisípiu Ainaro (KVMA), Júlio da Conseição ‘Loro Mesak’,  promete sei tau as intrese veteranus no lakohi mosu familiarizmu durante sira nia mandatu tinan 5.

“Ami promete katak, ami sei la lori intrese partidu nian atu tau iha oin, no ami sei la lori problema familiarizmu, ami sei la aseita problema ne’e akontese. Ami promete bainhira feto faluk sira, alezadu sira fó fiar mai ami ita la’o ba oin”, Prezidente Konsellu Veteranu Ainaro, Júlio ba Conseição ‘Loro Mesak’,  deklara asuntu ne’e liuhosi konferensia Munisípal, Munisípiu Ainaro, Tersa (24/09/2019).

Nia afirma tan katak, durante sira nia mandatu sira prontu nafatin apoiu veterenu no veterana sira bainhira husu apoiu ba sira no sei la halo diskrimisaun no sei tau as interese veteranus nia no hakribi interese grupu ka partidaria.

“Ami husu ita boot sira nia tulun, apoiu ami ita la’o hamutuk hodi rezolve problema veteranu ne’ebé make ma kestiona, tanba ita hotu hotu hamutuk mak ita bele, ami mesak labele halo buat ida, bainhira ami la’a mesak”

Iha konferensia munisipál, Munisípiu Ainaro refere,  kongresista sira fó fiar ba Júlio ba Conseição “Loro Mesak”  sai hanesan Prezidente Konsellu Munnisipal, ho nia suplente nain hat (4) mak hanesan Moises Sarmento, Sebastião Kakatua,  Gracilda de Almeida Birojas no Bendito Floribal Salon.

No Ventura da Araújo “Labok” mak sai hanesan reprezentante Munisípiu Ainaro ba iha Kosellu Nasionál, ho suplente nain rua (2), mak hanesan Alfredo Bossa “Muhamad” no Olivio Menezes “Rusa Fuik”.

Enkuantu konferensia munusipal ne’e hetan partisipa máximu husi frenti armada no frenti klandestina kauze 240, inklui mós partisipante sira  no kongresista sira mai husi  Postu Administrativu hat (4) mak hanesan, Ainaro Villa, Maubise, Hatu-Builico no Hato-Udo.

Lee hotu :   PR sei kuda ai-oan iha Viqueque

Veteranu tenke luta ba ekonomia

Nune’e mós Sekretáriu Estadu Asuntu Kombatentes Libertasaun Nasionál (SEAKLN), Gil da Costa Montéiro ‘Oan Soru’, husu ba veteran sira ne’ebé durante ne’e didika nia an hodi luta ba libertasaun nasionál, maibé iha tempu ukun an ne’e tenke luta mós ba ekonomia, atu nune’e bele lori povu no nasaun ne’e sai husi kiak no mukit.

“Ha’u ata mai marka presenza iha ne’e, atu hatete ba ita boot sira prepara an no organiza an hodi konsolida an, hodi luta hasoru invasaun ekonomia iha rai ida ne’e. Luta iha tempu okupasaun Indonézia konsege ona hakotu funu ne’e, no ohin loron nasaun hetan independénsia ona, no luta dala ida tan atu povu no nasaun ne’e sai husi kiak no mukit, tanba ne’e presiza servisu maka’as liu tan ba ekonomia iha rai laran”, afirma Oan Soru.

Iha okaziaun ne’e SEAV kontinua preokupa falsifikasaun domentus atu sai benifisiariu veteranu no  veterana ne’ebé dadaun ne’e públiku kestiona nafatin, tanba ne’e governu sei halo reverifika dadus veteranus sira ne’ebé rejista iha tinan 2009 liu ba.

“Ema ne’ebé mate iha tempu português ninia ohin loron falsifika sai martires hodi simu pensaun, hasai rai la nabén, tasi la sae, mate sira la mai husu ita falsifika nia dokumentu atu simu osan, ita moris mak kakutak laiha, tanba ne’e husu ita boot sira, ita hotu hamutuk luta hasoru ida ne’e,”haklean Oan Soru.

Tanba ne’e nia parte rekomenda ba veteranus sira hotu hotu iha territoriu Timor laran atu luta ba problema veteranus falsu sira ne’ebé mak sai preokupasaun públiku nian, no nia garante iha nia mandatu sei laiha tan veteranus falsu bainhira estabelese ona konsellu veteranu. Aes

Lee hotu :   Falsifika dokumentus Veteranus, ‘Oan Soru’: Solusaun ikus mak hatan ba lei no kadeia

 

Add to Comments Here!!!!

error: Content is protected.
Secured By miniOrange
You might also like:
Filomeno Paixão: PNTL sei revé estratejia operasionál ■Husu membru sira hakruk ba hirarkia

Ministru  Defeza no Interior  Interinu,  Filomeno...

KM sei desidi totál OJE 2020

Primeiru Ministru (PM), Taur Matan Ruak,...

Timor-oan 345 afetadu moras kankru susun

Hospital Nasional Guido Valdares (HNGV) iha...

Close