JORNALISTA 60 SIMU SERTIFIKADU LINGUA PORTUGUEZA

Jornalista hamutuk 60  husi instituisaun média oi-oin iha Timor-Leste (TL), lingua portugués  husi Insituto Camões, hafoin finaliza kursu lingua portugueza durante tempu naruk.

Sekretariu Estadu Komunikasaun Sosial (SEKOMS, Mericio Juvinal Akara, husu ba Jornalista sira atu implementa prátika lingua portugueza iha terenu.

“Ba jornalista sira, governu kontenti tanba iha interese kontinua aprende lingua portugueza hanesan lingua ofisial, iha obrigasaun kontinua aprende no hadia,  importante liu depois de aprende presiza hala’o prátika iha ita bo’ot sira ida-ida nia servisu, liu-liu oinsa hakerek notisia ho diak”, dehan Mercio Akara Sesta (6/09/2019), iha Palásiu Governu.

Nia akresenta, matenek ne’ebé jornalista sira iha, transmite liu husi hakerek no ko’alia, labele  ba aan rasik deit.

Mericio Akara  reprezenta VIII governu  hato’o  agradesimentu, tanba liu husi rezultadu kooperasaun diak entre Instituto Camoes da Lingua Portugueza bele fó formasaun lingua portugueza ba jornalista sira.

“Ha’u hanesan Sekretáriu Estadu Komunikasaun Sosial, asegura programa kooperasaun ida ne’e tenki kontinua, tanba ne’e iha  tékniku ha’u dehan ona, ba Diretur sira atu kontinua kolabora ho konsultor portugueza atu prepara proposta foin atu nune’e ba ita-nia kooperasaun kontinua ba oin”, fundamenta Mericio Akara.

Alende ne’e, Prezidenti Instituto Camoes da Lingua Portugueza, Luis Faro Ramos afirma, projetu ba kursu lingua portugueza ne’e importante tebes ba Timor-Leste, hamutuk ho profisonal sira, hodi realiza atividade kursu  ne’e.

 “Importante  tenki iha komunikasaun diak ne’ebé la’o durante kursu, klaru projetu ba kursu ne’e sei kontinua ba oin, tanba instituto Camoens prontu kontinua ba oin, hodi hasa’e koñesimentu jornalista sira nian iha área lingua portugueza”, Subliña Luis.oly