GMN TV Justica e Segurança Lere tristi PN kansela PR Lú Olo ba Nova Iorque

Lere tristi PN kansela PR Lú Olo ba Nova Iorque

Foto:GMNTV

Xefe Estadu Maior Jeneral  F-FDTL Major Jeneral Anan Timur, hateten, nia tristi deputadu Parlamentu Nasional kansela Prezidente Repúblika, Francisco Guterres Lú Olo partisipa reuniaun asembleia jeral ONU ba dala 74 iha Nova Iorque, Estadu Unidu Amérika.

“Ema  bele  dehan  ita país falladu ida. Estadu falladu ida. Tanba  ita rasik kastigu ita nia prezidente repúblika  iha ita nia rai  laran. Ne’e mak ha’u hanoin kompetensia ba Parlamentu Nasionál, porque  iha sira nia kompetensia, mas ha’u hanesan militar ida keta ha’u reponsabiliza ba defeza seguransa estabilidade. Ha’u dehan katak, prosedimentu ida ne’e ladun favorável ba situasaun polítika ekonómika, situasaun dezenvolvimentu kultural iha rai-laran. Tanba  ita izola ita nia a’an ona, ita loron-loron koalia Guiné Bissau, neneik ita bele sai hanesan Guiné Bissau. Sé líder sira aban bairua mai la toma pozisaun ida diak ita sai hanesan Guiné Bisau e ami ne’ebé terus ba rai ida ne’e ami senti sokadu boot ami teristi, kuandu situasaun polítika hanesan ne’e la podia akontese”, esplika   Xefe Estadu Maior Jeneral  F-FDTL Major Jeneral Anan Timur, ba  jornalista sira  iha Sentru  Formasaun e Treinu  F-FDTL iha Metinaru.

Relasiona ho desizaun Parlamentu Nasionál, ne’ebé kansela viajen Prezidente Repúblika atu ba partisipa asembleia jerál ONU ba dala 74, ne’ebé partisipa husi Xefe Estadu nasaun atus ida resin ne’e, reprezenta ONU iha Timor Leste mós, hato’o ona nia sentimentu tristeza,  tanba deputadu apoia governu kansela tiha Prezidente Repúblika ba Nova Iorque hodi partisipa asemblea jeral ONU.

Razaun deputadu sira kansela viajen PR Lú Olo nian ba Nova Iorque ne’e atu PR Lú Olo bele rezolve lai impase polítiku ne’ebé la’o kleur ona iha rai laran hanesan la fó tomada de posse ba kandidatu membru Governu nain sia, embaixadór nain hira kedas sei pendente to’o agora hodi la fó tomada de posse.

Parlamentu Nasionál kansela dala haat ona, viajen Prezidente Repúblika  ba rai liur hanesan Indonézia, Portugál, Vatikanu  no Estadu Unidu Amérika.

Entretantu Ministru Nogósiu Estranjeiru no Kooperasaun, Dionísio Babo mak sei reprezenta fali PR Lú Olo ba partisipa asembleia jeral ONU ba dala 74 ne’e iha Nova Iorque, fulan Setembru, tinan ne’e, no sei lori mensajen PR Lú Olo nian ne’ebé fó énfaze maka’as liu ba edukasaun, mudansa klímatika.avi


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker