JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MNEK reprezenta PR partisipa simeira ONU ba 74 ■Mensajen PR fo énfaze ba edukasaun

MNEK reprezenta PR partisipa simeira ONU ba 74 ■Mensajen PR fo énfaze ba edukasaun

Ministru Negosiu Estránjeiru no Koperasaun (MNEK) Dionísio Babo Soares hateten, Prezidente Repúblika (PR), Francisco Guterres “Lú Olo” la fó mansajen espesífika ba Asembleia Jerál Organizasaun Nasaun Unida (ONU) iha Nova Iorque ba dala 74 tinan 2019 ne’e hafoin Parlamentu Nasionál (PN) deside kansela  viajen PR nian tanba PR seidauk rezolve impase polítiku ne’ebé la’o kleur ona durante ne’e iha rai-laran.

“Ha’u marka audiénsia ho Prezidente hodi ko’alia konaba relasaun ho MNEK nia partisipasaun lori governu nia naran ba asembleia jeral nasoens unidas nian, Prezidente la fó mensajen, tanbá Parlamentu Nasionál (PN) impede Prezidente nia vizita iha tinan ida ne’e”, dehan Dionísio Babo Soares ba Jornalista hafoin hasoru malu ho Prezidente Repúblika iha Palásiu Prezidensial Bairo-Pite, Kinta (19/09/2019).

Dionísio esplika katak, Xefe Estadu nia hanoin konaba pontu importante ka mensajem saida mak hakarak atu hato’o iha ONU liu-liu iha relasaun simeira 3 ne’ebé sei organiza iha ne’ebá hanesan, mudansa klimátika, asesu universal saúde no edukasaun ne’ebé iha relasaun objetivu dezenvolvimentu sustentavel.

“Enkontru nível altu ne’ebé wainhira Prezidente ba karik sei ko’alia asuntu ne’ebé relasaun ho finansiamentu ba dezenvolvimentu iha nasaun kiikoan sira no mós Universal Health Coverage ou Kobertura Asesu ba Saúde Universal no kestaun balun ne’ebé iha relasaun ho nasaun kiik ne’ebé afetadu husi mudansa klimatika”.

Tuir Xefe Estadu mezmu labele partisipa iha simeira iha Nova Iorque, maibé nia parte fó hanoin katak, TL presiza duni atu reinteira iha simeira ne’ebé sei hala’o durante semana 1 to’o loron 10 nia laran iha ONU.

Alende partisipa iha ne’ebá sei halo mos enkontru bilateral lubuk ida no partisipa mós enkontru CPLP, g7+ no sei akontese atividade lubuk ida durante asembleia jeral nasaun unida la’o iha semana 1 nia laran iha Nova Iorque ne’ebé TL iha interese atu partisipa mós.

Lee hotu :   ABAN, FRETILIN-PLP SEI “HADAU MALU” KARGU PREZIDENTI PN

“Prezidente la ba, entaun nia laiha mensajen espesífika, maibé alerta deit sobre tópiku sira ne’ebé mak sei hala’o iha simeria nivel altu ne’ebé fó énfaze maka’as ba edukasaun, asesu universal saúde no mudansa klimátika ne’ebé afeta tebes rai ne’e”,tenik Dionísio Babo.

Tuir notísia SINDONEWS.COM ne’ebé fó sai iha Sábadu (14/9/2019) ne’e katak, mais ou menus Xefe Estadu husi nasaun 143 no parte Governu nian konfirmadu ona hodi koalia iha  asembleia jeral ONU ba dala 74 ne’e iha Nova Iorque.Aes

Add to Comments Here!!!!

error: Content is protected.
Secured By miniOrange
You might also like:
Falta fatuk kúbiku millaun ida, Kompleta ateru tasi ba portu Tibar

Enjeñaria kompañia Timor Port, Nelida Fernandes...

PN prevé USD 490.000 hodi sosa tan kareta 12

Parlamentu Nasionál (PN), preve tan osan...

Dionísio Babo: Sei halo reajustamentu ba embaixadór pendente

Ministru Negósiu Estranjeiru no Kooperasaun (MNEK),...

Close