PM Taur hato’o sentidu kondelénsia ba família kongregasaun Saleziana

Primeiru Ministru Taur Matan Ruak, hato’o  sentidu kondolénsia  ba família kongregasaun Saleziana ne’ebé lakon , bibi atan di’ak Padre João de Deus Pires, SDB.

Primeiru Ministru Taur Matan Ruak hato’o , sentidu kondelensia ne’e ,iha nia diskursu iha serimónia asina akordu subvensaun konferénsia episkopál Timor-Leste iha salaun Ministériu Finansas Aitarak Laran Díli,Segunda (23/09).

“Hau hakarak fahe hau nia tristeza klean ba saudozu Padre João de Deus Pires SDB ne’eb’e ita hotu hadomi ne’ebé husik ona mundu horiseik iha hau nia liman laran ,ida ne’e nu’udar momentu ne’ebé nakonu ho emosaun mai hau atu hato’o adeus. Koalia tiha lia fuan ruma no dada iis naruk,nia ba hodi husik hela sarani família no belun barak husi igreja no husi komunidade Saleziana nian hanesan oan kiak.Hela de’it nia obra no lembransa hanesan Bibi atan ne’ebé diak ,domin nain no dedikadu ba nia bibi sira,iha loron ne’ebé ,tamba konsidensia ,ita fo dala ida tan subvensaun públika ba igreja nia obra sosiál sira”, hatete PM Taur.

Xefe ezekutivu nee lori Oitavu Governu , no povu Timor Leste tomak nia naran , hato’o sentidu kondolénsia profunda ba família bo’ot , kongresaun saleziana , tan lakon pioneiru saleziano , iha Timor-Leste, matebian padre João de Deus Pires SDB , ne’ebé mate ho idade 91.

Matebian padre João de Deus Pires SDB , moris iha loron 15 , fulan Abril , tinan 1928 iha Mirandela Braganca Portugal. Simu ordenasaun sai Nai Lulik Salesiano iha loron 8 , fulan Jullu tinan 1956.

Tinan rua de’it hafoin nia ordenasaun sacerdotál , Padre João de Deus Pires SDB mai hala’o ninia misaun  sacerdotál , tomak durante tinan 60 , iha Timor-Leste hahú husi tinan 1958 to’o nia hakotu iis iha hospital Nasionál Guido Valadares , iha loron 22 , fulan Setembru tinan 2019, iha tuku hat liu minutu hat nulu, loraik oras Timor-Leste.

Tuir ajenda Amo João de Deus Pires nia isin , sei halót iha semitériu misionária Saleziano sira.Tos