PR Lú Olo : Dezempregu halo ema lakon fiar ba án rasik no monu iha depresaun

Prezidente Repúblika (PR), Francisco Guterres ‘Lú Olo’, hateten dezempregu halo ema lakon fiar ba án rasik no monu iha depresaun liu-liu otas foin sa’e sira, tanba ho ekonómia rai laran la’o hakdasak nune’e obriga ema barak liu-liu foinsa’e sira ba buka servisu iha nasaun sira hanesan Australia, Irlandia, Korea no Inglatera.

Xefe Estadu núdar mos simbolu unidade nasionál Timor-Leste, Francisco Guterres ‘Lú Olo’, hato’o preokupasaun ne’e liu husi nia diskursu Estadu iha ambitu selebrasaun loron konsulta populár ba dala 20, ne’ebé mak hala’o iha Tasi Tolu, Díli, Sesta (30/08/2019).

“Situasaun ida ne’ebe sai preokupasaun ba ita hotu mak dezempregu, ita nia ekonomia hakdasak hela, la iha resesaun hahu iha tinan 2017, situasaun hanesan ne’e hetok hamenus oportunidade ba empregu, nune’e obriga ema barak e liliu foinsa’e sira husi sira nia rai, ba buka servisu no moris di’ak iha rai liur, hanesan Irlanda, Korea, Australia no Inglatera. Beisk pursentu 60 husi ita nia populasaun mak iha idade ativa, maibe iha pursentu 19 deit mak hetan servisu, husi sira ne’ebe konsege hetan servisu pursentu 8 deit mak servisu iha seitór públiku no seitór privadu no barak liu mak moris núdar seitór informal, e ita hatene katak servisu informal la fó garantia ba ita nia trabalhadór sira, tanba salariu ki’ik servisu laiha kontratu prazu no kondisaun servisu la dignu, situasaun ida ne’e tenke muda duni ona”, afirma Xefe Estadu Francisco Guterres ‘Lú Olo’.

Durante deskursu iha ambitu selebrasaun loron konsulta popular referendum ba dala 20, Xefe Estadu Tumor-Leste mós relata katak populasaun liu pursentu 70 mak ho tinan 34 mai kraik no ba sira ne’e mak tau fiar atu dezenvolve nasaun ida ne’e, nune’e tenke prepara sira ho di’ak.

Aleinde komemorasaun loron konsulta populár ba dala 20 iha loron 30 fulan Agostu tinan 2019 ne’e, atu hanoin hikas vitória ne’ebe povu tomak Timor-Leste desidi hili referedum hodi hamrik hanesan nasaun ida atu relembra mos misaun ONU liu husi prezensa organizasaun INTERFET iha Timor-Leste iha 1999. ito