JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eis prizioneiru polítiku hari’i OPPLN

Eis prizioneiru polítiku hari’i OPPLN

Eis prizoneiru politiku 1975 – 1979, Domingo (27/10), ofisialmente hari’i Organizasaun Prizioneiru Polítiku Libertasaun Nasionál (OPPLN).

Prezidenti Organizasaun Polítika Prizioneiru Libertasaun Nasionál  Júlio Alfaro, hatete  objetivu lansamentu organizasaun ne’e atu halibur eis prizioneiru sira ne’ebé kontinua namkari iha territóriu Timor Leste, nune’e mós atu fó lembra nafatin istória no kontribuisaun prizioneiru polítiku sira iha prosesu luta ba libertasaun nasionál.

Tuir Julio Alfaro katak to’o oras ne’e, eis prizioneiru polítiku sira seidauk iha organizasaun ruma ne’ebé bele halibur sira sai mahon ba sira hodi bele hato’o sira nia preokupasaun no difikuldade sira ne’ebé mak sira iha.

Prezidente OPPLN husu governu rekoñese sira nia sakrifísiu no kontribuisaun iha prosesu luta ba libertasaun nasionál.

 “Historia 74-79 dadur sira uluk liu ida be’e luta ba libertasaun nasional ita haluha tiha, tanba ne’e mak ami sira ne’ebe jerasaun 75 ne’ebe partisipa iha luta libertasaun nasional ne’ebe ami dadur husi 75- 79 ami haree katak ami tenke hamutuk atu harii organizasaun ida atu liu organizasaun ne’e ami bele fo sai historia partisipasaun iha luta i ami mos bele hato’o ba governu defikulidade barak ne’ebe faluk oan kiak sira ho dadur sira barak uma laiha susar, dala barak iha sira nia uma laran ai-han mos laiha,” dehan, Julio Alfaro ba JN-Diario.

Prizoneiru politiku nee dehan organizasaun ne’e sai hanesan ezemplu ida ba jerasaun foun sira, atu kontinua kaer metin prinsipiu patriotismu no nasonalismu hodi partisipa iha dezemvolvimentu nasional.

Tuir dadus ne’ebé organizaun polítiku prizioneiru libertasaun nasionál iha rejista 1000 resin no sei kontinua buka hodi bele iha dadus ne’ebé fiksu inklui mós família prizioneiru sira ne’ebé mak sira nia família sei moris.

Lee hotu :   Francisco Gama hakotu iis ho idade 63

 “Ami iha preokupasaun boot ida atu harii organizasaun ida ne’e para husu ba Estadu, governu hodi fó pelemenus fó rekoñesementu ida ba prezus politikus sira para hanesan parte integarante ida luta ba libertasaun nasional, ho aspeitu sira ne’e hotu ami atu kria hela ba jerasaun foun atu kuda patriotismu no nasionalismu hanesan prevé iha statutu oragnizasaun politikus prisioneiros 75-79 nian,” dehan, Sekretario Jeral OPP 1975-1979, Marcos da Costa dos Santos.

Partisipa iha lansamentu organizasaun polítiku prizioneiru libertasaun nasionál ne’e, Jafar Alkatiri, autoridade lokál suku Caicoli, família no prizioneiru polítika libertasaun nasionál.Eus

Add to Comments Here!!!!

error: Content is protected.
Secured By miniOrange
You might also like:
OSF:Konfrontu akontese bei-beik tanba grupu organizadu hakarak estraga nasaun

Organizasaun Sagrada Família (OSF), konsidera, konfrontu...

Cooperação entre UE e Timor-Leste reduz em 10% crianças subnutridas

A União Europeia (UE) e Timor-Leste,...

Governo propõe maior OGE de 2020 do que execução orçamental

Também a bancada do partido Frente...

Close