Ema nain 4 mate iha lixu fatin Tibar

Foto:Google

Komunidade na’in hat (4) husi Suku Tibar, Munisípiu Liquiça, mate ona iha lixu fatin Tibar, tanba kauza husi lixu ne’ebé dodok no dois.

Diretur Postu Saude Tibar Vicente Carvalho hatete, ema nain hat ne’ebé mate iha lixu fatin Tibar ne’e, kuaze hetan hotu moras diárea ne’ebé grave, hodi difisil atu salva sira-nia vida.

Nia haktuir, Vicente Carvalho haktuir,  komunidade sira ne’e mate tanba involve  direta  iha atividade halibur  foer iha lixu fatin tibar hanesan, lata at, besi at inklui buat foer seluk tan atu bele fa’an hodi sustenta sira-nia moris lor-loron maibé,  foer sira ne’e dodok no dois maka’as, tanba ema soe na’an dodok ne’ebe fó impaktu ba ema nia saúde.

“Ema nain 4 mak mate  ona, tanba kauza husi foer dois no suar hodi hetan moras diárea grave, ikus mai mate tanba komunidade hala’o atividade hili foer direta, ne’eduni fó impaktu bo’ot no fasil hetan moras diárea no moras insfeksaun reperatóriu,  tanba dois no ahi suar”, informa  Vicente iha Postu Saúde Tibar, (01/10).

Vicente esplika, lixu fatin Tibar ne’e, risku bo’ot ba komunidade sira ne’ebé besik, tanba ís no suar maka’as.

“Lixu tibar ne’e nia impaktu bo’ot tebes atu ema bele hetan moras lalais, tanba dois maka’as no ahi suar, alende ne’e fó mós impaktu ba komunidade sira ne’ebé hela besik lixu fatin, tanba distansia ne’e besik  liu, nune’e komunidade barak, husi ema bo’ot no labarik barak mak hetan moras insfeksaun resperatóriu no moras ispa isin katar”, katak Vicente.

Vicente mós halo ona sensibilizasaun ba komunidade sira iha Tibar, liu-liu komunidade ne’ebé halo atividade hili foer maibé, komunidade sira la rona hodi kontinua halo atividade ne’e, hodi sustenta sira-nia moris lo-loron.aba