Governu abertura ona verifikasaun dadus Veteranus

Combatentes da Libertação Nacional, Gil da Costa Monteiro ‘Oan Soru’  halo abertura verifikasaun dadus  veteranus 2009.

Gil da Costa Monteiro ‘Oan Soru’  abertura  verifikasaun segundu rejistu dadus veteranus tinan  2009 iha  postu administrativu Aileu Villa, munisípiu Aileu, Tersa (15/10/19).

“Ha’u mai abertura verifikasaun dadus Veteranus iha Aileu, orsida televisaun sei fó sai katak, abertura legalmente  iha munisípiu Aileu reprezenta  munisípiu 13”, esplika Gil da Costa Monteiro ‘Oan Soru’ liu husi diskursu, wainhira abertura  verifikasaun dadus Veteranus iha salaun Veteranu Sabraka-Laran Aileu Villa.

Oan Soru dehan,  modelu juramentu  ne’ebé mak halo iha Metinaro.

 “Sei to’o mós ba ita boot sira, ita boot sira sei jura hotu, hafoin  ita boot sira aprezenta  ita boot sira nia dadus, orientasaun kompletu  ne’ebé orsida sei la’o tuir ida ne’e. Modelu jura ba fatuk ho rai uma ho ahi matebian sira. Ne’ebé ohin husu ita boot  sira atu koalia  buat  ne’ebé los ”,dehan Oan Soru.

Marka prezensa iha abertura  verefikasaun dadus ne’e, Prezidente Konsellu Veteranus munisípiu Aileu, Jacarias  de Fátima  “Maputu’ no Segundu komandante PNTL munisípiu Aileu agradese  Secretário de Estado para os Assuntos dos Combatentes da Libertação Nacional, Gil da Costa Monteiro ‘Oan Soru'”.

Total dadus  ne’ebé mak   komisaun verifikasaun sei halo verifikasaun    iha 12  munisípiu inklui Rejiaun Administrasaun Espesial Oecussi Ambeno hamutuk rihun atus rua resin.avi