JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Juventude laiha toleransia ba Xefe Aldeia Terasanta

Juventude laiha toleransia ba Xefe Aldeia Terasanta

Porta-voz juventude AldeiaTerra Santa, Domingos Ramos Gonsalves,  lamenta tebes ho atetudi Autoridade Lokal Suku Comoro nian, tanba lori fali juventude husi Bairo seluk hodi ba servisu iha Golgota Mall.

Tuir Domingos Ramos Gonçalves, lolos ne’e Autoridade Lokal sira labele lori ema husi Bairo seluk hodi ba servisu iha Bairo ida, liu-liu  iha Golgota Mall ne’e, tanba juventude hela iha Bairo ne’e barak mak seidauk hetan servisu.

Domingos Ramos haktuir, antes ne’e fatin sira seluk mós ema husi Bairo seluk mak ba servisu, maibé ba Golgota Mall ne’e, juventude sira sei la tolera ona juven husi Bairo seluk atu ba servisu.

 “Durante ne’e hotel Golgota ho Terasanta lori fali ema Bairo seluk mak mai servisu iha fatin ne’e, agora mós hanesan, tanba ne’e agora ami laiha ona toleransia, ba sira seluk mós ema Bairo seluk mak mai servisu, tanba ne’e hakarak ka lakohi juventude Bairo Golgota ho Terra Santa mak bele servisu iha Bairo ne’e, hodi evita problema”, hatete Domingos hafoin asiste seremonia inaugurasaun Golgota Mall iha Terasanta Comoro Díli Kinta (10/10 ).

Domingos afirma, joven sira iha Bairo refere sei kontinua hein hodi ezije sira-nia direitu nu’udar  Bairo refere nian.

 “Ami kontinua ezije ami nia direitu nu’udar Bairo nain to’o hetan servisu, banhira mak la rezolve ami-nia preokupasaun ne’e, sei organiza malu hodi taka portaun, nune’e sira husi Bairo seluk ne’ebé servisu iha ne’e labele sai hotu”, katak Domingos.

Nune’e mós, eis negosiante Kampung Alor, Abdul Rahman Duppa hatete, nia uza nafatin ninia traballador tuan ne’ebé uluk servisu ho nia iha Kampung Alor.

Lee hotu :   PPN: Simu vasinanasaun AstraZeneca la halakon totál COVID-19

“Ha’u kontinua nafatin lori traballador uluk iha Kampung Alor hodi servisu iha ne’e, tanba nia servisu ho onestu, no ha’u kunese diak los iha tinan barak nia laran hamutuk ho ha’u”,dehan Abdul.

Entretantu, Ministru Koordenador ba Asuntu Ekonómiku Interinu, Fidelis Magalhães, husu ba juventude iha Bairo ne’e tenki koopera malu ho diak, nune’e ema ne’ebé investe nia osan bele kontenti ho sira-nia programa.

Entretantu, Juventude 100 resin mak hola protesta hasoru Autoridade Lokal Suku Comoro, tanba konsidera halo diskriminasaun ba sira.

To’o notísia ne’e publika, GMN seidauk halo komfirmasaun ho Xefe Aldeia Terasanta no Golgota.aba

Add to Comments Here!!!!

error: Content is protected.
Secured By miniOrange
You might also like:
Obralan Aimutin no Ponte Komoro 3 prontu muda ba Manleuana

Vendedor  sira ne’ebé fa’an roupa obralan...

PNTL sei la tolera ema ne’ebé impede atividade Golgota Mall

Komando Polísia Munisípiu Díli,  sei la...

Responsável Klandestina 170 tuir juramentu iha jadim herois Metinaro

Kuaze responsável Klandestina 170, Sesta (11/10),...

Close