JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kada tinan traballadór iha RÚ kontribui reseitas millaun USD 20

Kada tinan traballadór iha RÚ kontribui reseitas millaun USD 20

Embaixadór Timor-Leste ba Reinu Únidu (RÚ) Joaquim Fonceca relata, kada tinan traballadór Timoroan sira iha RÚ kontribui reseitas millaun USD 20 ba kofre Estadu.

Tanba ne’e, Joaquim husu governu ho embaixada kontinua halo baze de dadus ba Timoroan hirak ne’e, atu bele rejista.

“Sidadaun Timor iha reinu unidu to’o agora ita seidauk bele iha númeru ida konkretu, nune’e hira mak rejista ona, durante eleisaun halo resensiamentu eleitoral, ami konsege rejista 3500 maibé, ne’e sidadaun sira ne’ebé ho direitu de votu, nune’e la inklui labarik sira maibé, parese nia númeru ne’e bo’ot liu ida ne’e maibé, númeru ida ne’e ba ema bo’ot de’it mós la partisipa hotu, kestaun tanba servisu. Tanba ne’e, ami iha estimativa kuaze 10 mil to’o 15 mil hanesan ne’e. Kona-bá reseita, agora dadauk ami laiha númeru maibé, iha tinan hirak ba kotuk, banku sentrál fó nia estimativa kuaze USD 20 milloens kada tinan”, informa embaixadór ne’e ba jornalista GMN, bainhira partisipa iha programa grande intervista iha estudiu 2 GMN TV Bebora Díli, semana ne’e.

Joaquim afirma, problema pasaporte nu’udar asuntu bo’ot ida ne’ebé difisil atu solusiona, tanba Reinu Únidu seidauk iha estatutu ne’ebé loloos.

Tanba ne’e, presiza iha baze de dadus ba traballadór timor-oan, hodi nune’e bele identifika loloos ida ne’ebé mak uza pasaporte Timor no ida ne’ebé mak la’e.

“Kestaun pasaporte ne’e buat bo’ot ida, buat ne’ebé ami halo, ha’u bele ho konfiansa hateten katak, buat ne’ebé sei bele ajuda mak estabelesimentu baze de dadus, ba Timor-oan sira iha ne’ebá, atu traballador ka, estudante inklui sira seluk ne’ebé ba iha ne’ebá, tanba razaun seluk, ida ne’e mak durante ne’e ami laiha, kona-bá hira mak ba ho pasaporte Timor no hira mak ba ho pasaporte rai seluk nian, tanba sira ne’ebé mak ba iha ne’ebá ho pasaporte Timor nian, kuandu sira-nia dokumentu la vale ona, entaun sira susar ona maibé, ne’e so ho baze de dadus mak bele identifika, tanba ne’e, ha’u fiar katak, embaixada   hahú dadauk ona prosesu rejista. Agora dadauk rejistu ne’ebé sidadaun sira halo, resensiamentu eleitoral, bele sai hanesan baze para atu kompoin ona baze de dadus ne’e, no sei aumenta tan ho sira seluk, ida ne’e hanesan pasu ida de’it, prosesu la’o hela dadauk hodi konkretiza asuntu pasaporte ne’e”, tenik Joaquim.

Lee hotu :   GASI husu públiku tulun vítima inséndiu merkadu Manatuto

Nia akresenta, durante ne’e embaixada tenta halo diskusaun ho governu RÚ nian, kona-bá vistu no oinsa haruka Timor-oan servisu iha Reinu Únidu, hanesan Australia ho Korea maibé, laiha posibilidade, tanba Reinu Únidu iha ona kontratu ho nasaun seluk ho folin ne’ebé baratu.

 “Ha’u nia mandatu hotu tiha ona dezde fulan kotuk, ha’u mós haksolok bele fila fali mai TL, hein katak, esforsu ne’ebé ami halo durante tinan balun nia laran ne’e bele rai hela ona, baze forte naton ba embaixadór foun ne’ebé sei indizita ba fali fatin ne’ebá, hodi servisu hanesan embaixadór iha ne’ebá. Ami koko reuniaun ho Ministru Estranjeiru Reinu Únidu nian maibé, sira hateten katak, diskusaun ida ne’e so bele hahú lolos ne’e kuandu sira-nia estatutu iha Uniaun Europeia ne’e loos tiha ona. Tanba ne’e, dalaruma ministru ne’e bele ko’alia hanesan ne’e maibé, ita presiza atu hatene klean tan. Problema ne’e, atu tama hanesan turista ne’e bele maibé, atu ba servisu difisil, tanba eskema ne’e vistu traballu nian iha oin lima. Primeiru vistu ba ema ho skill ne’ebé iha Reinu Únidu laiha, sira ne’ebé ho skill ka pozisoens aas liu, depois bazeia akordu ho rai seluk hodi fornese traballadór, aleinde ne’e seluk ba sira ne’ebé hetan ona servisu, depois sira nia kompaña mak sai sponsor ba sira-nia vistu, inklui ba sira ne’ebé hola parte iha freedom movimentu ne’e maibé, kona-bá akordu ne’e ita nunka bele implementa, tanba sira Reinu Únidu hetan ona traballadór baratu husi Europa leste ne’e, ami koko diskusaun ida ne’e tiha ho ministru Reinu Únidu nian maibé, labele, tanba sira-nia estatutu seidauk loos”, realsa diplomata Timor-oan ne’e.

Lee hotu :   Kompañia Tinolina hapara traballador 200

Timoroan sira ne’e, servisu hanesan otelaria, iha restaurante, indústria agríkola, inklui balun mós servisu iha indústria automotive, nune’e balun mós to’o ona pozisaun supervisor.say

Add to Comments Here!!!!

error: Content is protected.
Secured By miniOrange
You might also like:
Estudante 53.101 tuir izame nasional

Ministériu Edukasaun Joventude no Desportu (MEJD)...

ADB planeia halo investimentu bo’ot iha Timor-Leste

Diretor Jeral Southeast Asia Department Asian...

Falur Rate Laek: Forma militar obrigatóriu ne’e kompetensia Estadu

Vise Xefe Estadu Maior F-FDTL, Jeneral...

Close