JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

konstroe uma iha mota ninin, PN konsidera governu-Autoridade Lokal mak laiha kapasidade jestaun

konstroe uma iha mota ninin, PN konsidera governu-Autoridade Lokal mak laiha kapasidade jestaun

Bankada FRETILIN iha Parlamentu Nasionál (PN) konsidera, aktu komunidade sira nian ne’ebé kontinua harii uma iha mota ninin, tanba  governu ho Autoridade Munisípiu sira mak laiha kapasidade hodi halo jestaun ba sidade Díli.

Deputadu Antoninho Bianco husi bankada FRETILIN hatete, komunidade barak kontinua konstroe uma iha mota ninin, inklui soe lixu arbiru, tanba jestaun governu ho Autoridade Lokal mak fraku.

Maske nune’e, deputadu ne’e mós hateten, autoridade lokal sira mós presiza servisu  hamutuk ho governu, hodi implementa lei no ordem ne’ebé iha ho rigorozu, inklui komunidade rasik tenki iha sentimentu pertense ba nia rain rasik, hodi assegura sidade nia moos.

“ Buat ida ne’ebé durante ne’e ema barak kestiona mak, lixu, lahatene kapasidade halo jestaun ne’e mak laiha ka oinsa, bele mós husi nível governu sentral, mak laiha orientasaun ba iha karaik, ou parte Munisípiu Díli nian ou líder komunitáriu sira, tanba tinan-tinan tau osan, para hodi halo jestaun maibé, lahatene jestaun oinsa mak to’o agora ema sei kestiona nafatin”, lamenta deputadu opozisaun ne’e iha PN, Segunda (30/09/3019).

Antonino Bianco mós afirma, atu garante sidade Díli moos, presiza mós ezemplu di’ak husi ukun na’in sira ho nia família, atu tau foer tuir nia fatin, tanba iha nasaun ida, dalaruma ema ne’ebé produz fo’er barak liu mak ema ne’ebé nível elite sira, tanba sira halo festa barak no konsumu aihan supermerkadu barak, ne’ebé mai ho latas no plástiku sira.

 “Sei bele kontratu kareta sira ne’e, hodi halo operasaun, labele loron ida, sirkula dala ida de’it, loron ida presiza sirkula dala barak, atu nune’e bele moos, ne’e para sasán fo’er animal dada tun sa’e, halo lekar tu’un sa’e. Di’ak liu mak sentidu pertense ba ita-nia rain, buat hotu interligadu, karik tanba ema hirak ne’ebé servisu selu ladun di’ak ka oinsa?, keta halo fo’er sira ne’e ema bo’ot sira mak produz barak karik, tanba ema ne’ebé hemu buat kalen didi’ak sira ne’e mesak ema bo’ot de’it”, dehan Bianco.

Lee hotu :   Estrutura INSS simu pose, MSSI Armanda: Tenki leal no disiplina

Kona-bá komunidade ne’ebé konstroe uma iha mota ninin, deputadu ne’e mós rekomenda atu implementa lei ho ordem ho rigorozu no tenki halo jestaun di’ak.

“ Parte tasi ibun ka mota ibun ou rai loloon ne’e labele halo uma maibé, ita haree ema bo’ot nia oan sira balun kee rai loloon hodi halo uma, halo konstrusaun ke’e foho leten, emprezáriu sira ne’e balun taka dalan, depois komunidade halo dalan fali iha mota laran, se ema bo’ot ho nia oan sira mak halo hanesan ne’e, komunidade mós bele halo, ne’e mak problema, ita dehan povu simples sala maibé, ezemplu ne’e tenki mai husi ema bo’ot sira, regras iha maibé, implementasaun ne’e mak laiha, se mak ukun ne’e, tenki brani foti desizaun maibé, labele implementa de’it ba povu ki’ik, ba bo’ot sira laiha fali, husik hela de’it, ne’e mak problema”, akresenta Antoninho.

Antes ne’e, governu fó sai ona rezolusaun númeru 33/2008 ordem públika nian, ne’ebé bandu konstroe uma iha mota ninin, no governu rasik fó ona dedline ba komunidade ne’ebé konsege halo ona uma iha mota ninin maibé, komunidade sira la kumpri no kontinua konstroe uma, tanba ho razaun rai laiha.

komunidade kontinua harii uma iha mota laran

Maske Governu bandu ona komunidade sira atu labele harii uma iha mota ninin tanba perigu tebes ba sira-nia vida maibé,  komunidade laiha sentimentu tauk hodi kontinua harii nafatin uma iha mota ninin, li-liu iha mota Comoro.

Iha ona Diploma Ministerial husi Ministériu Estatal, númeru 8/2009/, kona ba ordenamentu teritóriu maibé, governu liu husi Autoridade Munisipal Munisípiu Díli, ladauk iha konsisténsia hodi kontrola sidadaun sira atu labele harii uma iha fatin risku hanesan Mota ninin.

Lee hotu :   Japaun apoia millaun USD 2 resin ba sosiedade sivíl

Habitante Ela de Jesus husu ba governu atu kria kondisaun, nune’e sira bele sai husi mota laran.

 “Ami husu ba governu atu kria fatin ba ami para sai husi mota laran ne’e, bele hela kontinua iha Díli laran, agora ita hotu hatene rai iha Díli laran ema okupa hotu ona, atu kos osan laiha, entaun tenki hela iha mota laran hodi pineira rai henek hodi sustenta ami nia moris. Ami hili fatin iha mota ninin, tanba Díli laran rai laiha ona maibé, aban  bainrua governu atu hasai ami iha fatin ne’e ami prontu atu sai husi fatin ne’e ba fatin seluk maibé, governu tenki prepara kondisaun ba ami”, katak  Ela.

Nune’e mós habitante Miguel Fernandes, hatete,  sira kontinua  harii uma iha mota ninin, ho objetivu atu bele buka moris ho pinera rai henek iha mota laran.

 “Fatin ba ami atu hela mak laiha, ne’emak ami haree fatin mamuk no haree mós distansia metru 6, sei aban bainrua governu haruka ami sai, ami prontu atu sai husi mota laran, tanba agora daduk atu kos maibé, osan laiha, tanba ne’e mak ami hela iha mota laran ne’e hodi pineira rai henek, hela iha foho buat ida laiha, entaun tenki mai sidade para buka osan hodi sustensa moris”, informa Miguel Fernandes .

Tuir observasaun GMN iha terenu katak, maske fatin ne’e risku maibé, komunidade sira kontinua harii  uma iha mota ninin tanba laiha ona opsaun seluk ba sira. say/aba

Add to Comments Here!!!!

error: Content is protected.
Secured By miniOrange
You might also like:
Impase polítiku seidauk rezolve, PN sei la autoriza PR ba rai liur

Parlamentu Nasionál (PN), kontinua kansela  viajen...

Dia 30/09/2019 || GMNTV LIVE STREAM || JORNAL AS 12

Dia 29/09/2019 || GMNTV LIVE STREAM || JORNAL NASIONAL KALAN

Close