JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha prosesu justisa ba autor krimi, Bernardino desidi hapara servisu KPK iha Madohi

Laiha prosesu justisa ba autor krimi, Bernardino desidi hapara servisu KPK iha Madohi

Suku Madohi, postu administrativu Dom Aleixo, munisípiu Díli, liu husi Xefi suku, Bernardino Cristo, desidi hapara Konsellu Polisiamentu Komunitária (KPK) ninia servisu halo kontrolu seguransa iha suku Madohi, tanba konsidera laiha prosesu justisa ba autor krimi sira no tanba membru KPK mak sai fali vítima ba grupu bandalizmu hirak ne’ebé halo krimi.

“Autor sira ne’e ami bele kaer, maibé prosesu la la’o, ha’u la hatene kazu sira ne’e budu sai dodook hotu deit, ema kontinua halo krimi, direitu umanus sira kanta hela deit, tanba iha suku Madohi rasik KPK na’in 3 mak sai vítima no sira kanek la sura, inklui Xefi suku rasik, ami hanesan didin, fó ami nia vida tomak, la sura ida ne’e, ami hakarak povu livre, hodi alkansa objetivu luta, komunidade rasik mak la komprende. Grupu violentu ne’e forsa do que Polísia Nasional Timor-Leste (PNTL) nia asaun, ita haree kontextu lei seguru instituisaun Estadu, maibé asegura fali bandalizmu ida ne’e maka realidade, tanba PNTL sira atu reduz krimi sai obstákulu”, Xefi suku Madohi ne’e ba jornalista sira hafoin hasoru malu ho Komisaun A no B Parlamentu Nasional (PN), Kuarta (23-10-2019).

Bernardino informa, iha sorumutu ho komisaun rua ne’e, ho razaun atu informa kona-bá desizaun hapara KPK iha suku Madohi, relasiona ho akontesementu aktu kriminal ne’ebé akontese iha suku Madohi.

“Ami mai hato’o situasaun riil ne’ebé akontese iha ami nia suku, tanba ne’e, oinsa buka meius hodi prevene kriminalizasaun bandalizmu ne’ebé mosu bebeik iha Díli. Iha suku Madohi rasik semana rua, iha fulan ne’e, mosu destruisaun, nune’e presiza tau atensaun sériu, maibé ita haree seguransa la to’o, oinsa mak atu buka makanizmu seguransa bele to’o, tanba agora bandalizmu halimar jeoestratéjia, maski iha suku sira estabelese ona KPK”, dehan Xefi suku Madohi ne’e.

Lee hotu :   UIP fasilita formasaun daruak ba Jornalista 39

Tuir Xefi suku Madohi, Bernardino afirma, mezmu total KPK iha suku Madohi kuaze nain 80, maibé volume krimi kontinua sa’e no prosesu justisa ba autor krimi sira la la’o, ho nune’e, konsellu suku desidi hakarak hapara aktividade KPK iha Madohi.

Antes ne’e, Prezidenti PN, Arão Noe, husu ba governu atu rekruta tan membru Polísia Nasional Timor-Leste (PNTL), atu nune’e bele reforsa tan seguransa iha rai laran, tanba dau-daun ne’e volume joven sira oho malu kontinua amenta.

“Governu tenki rekruta tan membru PNTL, hodi reforsa seguransa iha rai laran, tanba volume joven sira oho malu kontinua amenta ba bei-beik, situasaun ida ne’e, halo ita hotu lamenta, nune’e ha’u hanoin povu sira mós lamenta asaun krimi ne’ebé akontese, joven sira sona malu no hamate malu, ho akontesimentu sira ne’e ita labele fó sala ba polísia ne’ebé ho númeru rihun 3 mil resin, nune’e la sufisiente atu atende populasaun  milliaun ida resin”, afirma Xefi Órgaun Lejislativu ne’e.

Enkuantu, Ministru Defeza no Interior (MDI) interinu, Filomeno Paixão hateten, iha tinan 2020, sei la halo rekrutamentu ba membru PNTL, tanba rekrutamentu membru foun FALINTIL-Forsa Defeza Timor-Leste (F-FDTL) bele prense servisu polísia ni’an. ety

Add to Comments Here!!!!

error: Content is protected.
Secured By miniOrange
You might also like:
Fransisco: Ha’u laiha koñesimentu ba prosesu sosa kareta Prado

Tribunal Distrital Díli (TDD), kontinua hala’o...

Mosu tan EA, FRETILIN konsidera líder AMP sira laiha kapasidade

Vise Xefe bankada FRETILIN, Francisco Miranda...

Hafoin teste médiku ba arguidu korta aviaun, AMJTL: Labele julga ema ho kondisaun moras mental

Arguidu ho inisial CDJ ne’ebé tenta...

Close