JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Litánia Reis sai PPN iha minutu 45 nia laran

Litánia Reis sai PPN iha minutu 45 nia laran

Joven feto husi munisípiu Ainaro, Litánia Dávia Soares Reis, iha Kuarta,  loron 9, fulan Outubru ne’e, sai Prezidenti Parlamentu Nasional (PPN) durante minutu 45 nia laran.

Durante nia asumi kargu hanesan PPN iha minutu 45 ne’e, konvoka reuniaun ho Adjuntu Provedoria Direitos Humanos e Justiça (PDHJ) iha Gabinete PPN.

“Ha’u senti kontenti bele sai PPN iha minutu 45 nia laran, ha’u fó obrigadu ba Xefi órgaun lejislativu, Arão Noe bele simu ha’u sai PPN, durante minutu 45 nia laran, hodi hala’o enkontru ho Adjundu PDHJ“, okupante kargu PPN ne’e ba jornalista sira iha Parlamentu Nasional (PN), Kuarta (09-10-2019).

 Litánia hateten, iha tempu agora ne’e la hanesan ho tempu uluk, tanba iha tempu uluk feto susar atu asumi kargu sira hanesan ne’e, maibé iha tempub agora feto mós iha direitu no oportunidade hanesan ho mane.

“Durante minutu 45 nia laran subtitui provizóriu Xefi segundu Órgaun Lejisladór ne’e, hodi hala’o kna’ar hanesan PPN hanesan mós parte ida atu komemora loron mundial ba labarik feto, ne’ebé selebra iha loron 11, fulan Outubru ne’e, tanba ne’e Litánia nia mehi ba futuru hakarak sai Ministra Solidaridade Sosial no Inkluzaun (MSSI) no hakarak involve iha partidu polítiku, hodi bele asumi kargu nudar PPN”, tenik okupante kargu PPN durante minutu 45 nia laran ne’e.

Adjuntu Diretor Plan International iha Timor-Leste, Fátima Estrela Soares, hateten, aktividade subtituisaun provizória ba kargu PPN ne’e hanesan meius ida atu empodera labarik feto, hahú agora atu sai lideransa ba futuru.

“Tema iha tinan ida ne’e, ami fokus liu oinsa mak bele iha reprezentasaun ne’ebé igual ba labarik feto hotu, oinsa mak labarik feto bele aprende lidera no desidi, bazeia ba diskusaun no mós terminasaun área ne’ebé servisu Plan international nia servisu iha Aileu ho Ainaro, entaun iha tinan kotuk barak liu iha Aileu, maibé ba tinan ne’e labarik sira mai husi Ainaro mak tuir etapa, tinan oin ita bele haree fila-fali iha Díli, iha tinan kotuk mós labarik sira Díli mós foti pozisaun ida ne’e, iha semana kotuk hahú ona iha PR”, tenik Fátima.

Lee hotu :   Preparasaun loron konsulta popular ba dala 20 atinji porsentu 70

Antes ne’e Asesora ba Igualdade Jéneru, Plan Internationl iha Timor-Leste, Angelina de Araújo hateten,  sidadaun sira ne’ebé hola parte iha aktividade diskusaun no troka pozisaun provizóriu kargu sira ne’e, mai husi rezultadu selesaun iha área rural.

Entretantu Litánia Davia Soares Reis nu’udar feto poténsial ba lideransa   husi munisípiu Ainaro, postu administrativu Ainaro Villa, suku Soro, aldeia Gerudo, eskola iha eskola bázika sentral Lemos sétimo ano.

Enkuantu iha loron 4, fulan ne’e, Cristina Aleixo Mendonça sai Prezidenti Repúblika (PR), durante oras ida nia laran, hodi lidera Estadu Timor-Leste. ety

Add to Comments Here!!!!

error: Content is protected.
Secured By miniOrange
You might also like:
PR Lú Olo apresia ho povu Lautém

Prezidente Repúblika (PR), Francisco Guterres Lú...

ONU ameasadu bankarota

Organizasaun Nasoens Unidas (ONU) ameasadu atu...

Francisco Fernandes: Durante tinan 20 edukasaun TL kontinua vulnerável

Sindikatu Profesor Timor-Leste (SPTL) konsidera durante...

Close