JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Povu Lautém husu líder rezistensia solusiona impase polítiku

Povu Lautém husu líder rezistensia solusiona impase polítiku

Povu Munisípiu Lautém husu líder nasional sira atu hala’o dialogu hodi solusiona impase polítiku nune’e garante dignidade Estadu Timor-Leste ba mundu Internasionál. Povu no líder autoridade lokál hatoo sira nia ezijensia ne’e durante diálogu ho Prezidente  Repúblika, Francisco Guterres ‘Lú Olo’, iha Munisipiu Lautém, Sesta (11/10/2019).

Durante diologu, populasaun sira, líder lokal no líder autoridade munisipal,  sira husu ba líder nasional sira atu tur hamutuk hodi buka solusaun ba impase polítiku ne’ebe la’o tinan tolu ona ladauk rezolve.

Nune’e labele hamonu dignidade nasaun Timor-Leste iha mundo Internasional.

Alende ne’e populasaun Lautém mos husu ba Governu inklui Prezidente Repúblika atu rezolve estrutura membru Governu  ne’ebe seidauk kompletu nune’e labele implika ba ezekusaun orsamentu.

“Ami propoin katak sebele, na’i ulun sira nasionais ninian, partidu polítiku, sebele halo dialogu nasional ida entre líderansa históriku sira para nune’e hatudu dignidade no respeitu perante públiku nasionál no Internasional, tanba ami haree katak na’i ulun sira iha leten han malu no iha baze sai naksalak hotu”, afimra Xefe Suku Ililai-Laivai, Luis Januario de Fatima.

Iha sorin seluk xefe suku Iliomar Primeiru,  José Luis da Costa, husu mós ba governu liuhosi ministériu kompetente atu fó prioridade iha seitor agrikultura liu-liu hadia irigasaun sira nune’e garante povu labele hamlaha.

“Postu administrativu Iliomar natar ne’ebe mak boot liu iha ne’eba, Natar Ira-Bere, maibe to’o agora irigasaun la’o ladi’ak, e ami hato’o bei-beik maibe governu la tau matan. Nune’e mos infrastrutura, eskola, saúde, eletrisidade, presiza tau matan, e ida ne’e ami la’os husu maibe hanesan sujestaun, karik sua selensia Prezidente enkontru ho Primeiru Ministru, bele hato’o hela ba”, afirma Xefe Suku Iliomar Primeiru, José Luis da Costa.

Lee hotu :   SEFOPE-Korea asina akordu reativa kursu lian Korea

Iha okaziaun ne’e Xefe Estadu, Francisco Guterres ‘Lú Olo’ iha esperansa ba governu sei tau proridade ba infrastrutura, edukasaun, saúde no agrikultur,a tanba ne’e nia parte mós sei haree Orsamentu Jeral Estadu ba tinan 2020 nian molok  promulga.

“Prezidente da Repúblika labele fó solusaun direita ba problema sira hanesan ne’e, maibe liuhosi governu prezidente sei bele para atu hetan solusaun ba problema sira ne’e. Prezidente da Republika mai oinsa mak atu fó suporta ba governu ninia programa sira prioridade, hanesan edukasaun, saúde no infrastrutura agrikultura. Prezidente da Repúblika sei fó nia apoiu liu husi orsamentu jeral estadu ne’ebe governu propoin, e prezidente sei haree no fó opniaun para atu bele hadi’a diak liu tan,”haklean PR Lú Olo.

Dialogu ho Xefe Eestadu ne’e hetan partisipaun másimu husi populasaun  no lídera autoridade lokál husi nível aldeia, suku, postu administrativu lima no autoridade munisipal. Ito

Add to Comments Here!!!!

error: Content is protected.
Secured By miniOrange
You might also like:
Vizita Papa João Paulo II, fanun joven sira luta ba ukun an

Komisaun Organizadora 12 Outubru, iha Sábadu,...

Arão Noe: Timor-Leste la infrenta impase polítiku

Prezidenti Parlamentu Nasional (PPN), Arão Noe, hateten,...

PR Lú Olo : Orgaun Estadu labele sai opozisaun hodi taka dalan ba malu

Prezidente Repúblika (PR), Francisco Guterres ‘Lú...

Close