JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SETP sei hasái obrigatoriu komunidade konstrui uma iha Lagoa Tasi Tolu

SETP sei hasái obrigatoriu komunidade konstrui uma iha Lagoa Tasi Tolu

Ministériu Justisa (MJ), liu husi Sekretáriu Estadu Terras no Propriedade (SETP), iha Segunda, loron 7, fulan ne’e, halo intervensaun direta hodi ko’alia diretamente ho komunidade ne’ebé halo uma foun iha área tasi-ibun, liu-liu iha Maselidun, Lagoa Tasi Tolu-Comoro.

Iha intervensaun ne’e SETP, Mario Ximenes orienta ba komunidade sira atu voluntariamente hapara, sobu no muda hela fatin husi área besik tasi-ibun, hanesan iha Maselidun no Lagoa sira.

“Sira ne’ebé foin halo uma iha Lagoa fora husi hirak ne’ebé identifikadu ou tama iha levantementu de dadus, favor hapara no sobu, tanba notifika bei-beik no fó informasaun liu husi autoridade lokal, maibé komunidade kontinua, tanba ne’e, laiha razaun, hanesan autoridade ha’u orienta atu hapara no sobu, liu-liu hirak ne’ebé halo uma atu tama to’o deit tasi, tanba ne’e, ha’u fó tempu ba sira hahú ohin to’o semana oin, kuandu la sobu mak sei koordena ho Autoridade Munisípiu Díli (AMD) no trator mak sei mai suru, hahú husi fatin ne’ebé bai-bain utiliza ba serimónia ofisial ruma”, SETP ne’e ba jornalista sira hafoin halo intervensaun iha ba komunidade sira ne’ebé hela iha Tasi Tolu-Díli, Segunda (07-10-2019).

Nia dehan, dalabarak komunidade sira uza tempu kalan mak konstrui uma iha tasi-ibun, tanba ne’e, nia parte sei la tolera tan ba sé deit mak konstrui uma iha tasi ibun.

“Notifikasaun halo ona, maibé sira uza tempu kalan mak fakar rai-henek no molok hakfodak fondasi hari ona, tanba ne’e, ohin ha’u fó hatene ona katak, hapara ona no husu voluntariu semana ida ne’e, atu muda no karik semana ida ne’e mak la sai, ita sei uza trator mak suru sai, liu-liu iha fatin ne’ebé mak ita selebra loron boot, tanba halo imajen la di’ak, nune’e tenki prevene no asegura espasu rai Estadu ne’ebé sei livre, nune’e komunidade sira labele halo fali uma, satan ema estranjeiru laiha direitu atu fa’an rai no nia deit laiha direitu atu sai na’in ba rai, sa tan fan rai”, dehan Mario.

Lee hotu :   FONGTIL: Modelu auto-kuarentena la efetivu

Nia mós apela ba komunidade sira, ba sé deit mak atu sosa rai, tenki hakat ba DNTP, atu bele hetan kona-bá justifikasaun ba rai refere, hanesan kona-bá estatutu rai, antes sosa no fa’an.

Iha fatin hanesan, Xefi suku Comoro, Eurico da Costa hateten, nia parte fó ona avizu ba komunidade sira, atu labele halo uma iha tasi-ibun, maibé komunidade sira la rona.

“Ami halo ona kontrolu bazeia ba dekretu lei númeru 33, lei hijeni no orden públika ba fatin ne’ebé protejida, ami halo ona avizu, atu labele halo uma iha tasi-ibun, maibé komunidade sira la rona”, akresenta Xefi suku Comoro ne’e.

Alende ne’e, autoridade lokal ne’e mós rejeita fó apoiu no asina dokumentu fa’an no sosa rai iha área refere, nune’e, nia husu atu investiga kazu ne’e, tanba iha manipulasaun relasiona ho nia asinatura. ita

Add to Comments Here!!!!

error: Content is protected.
Secured By miniOrange
You might also like:
Dia 08/10/2019 || GMNTV LIVE STREAM || DADER KMANEK

Dia 07/10/2019 || GMNTV LIVE STREAM || JORNAL NASIONAL KALAN

Dia 07/10/2019 || GMNTV LIVE STREAM || JORNAL AS 12

Close