JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Amáncio Lopes hetan tiru husi membru OPS

Amáncio Lopes hetan tiru husi membru OPS

Joven mane ida ho naran, Amáncio Pereira Lopes hetan tiru husi Ofisiál Polísia Suku (OPS) Holarua, hafoin akontese konfrontu entre joven sira iha aldeia Karbulau, suku Holarua, postu Administrativu Same, munisípiu Manufahi.

“Ha’u sai ba interven deit ba joven sira katak, “nusa loron boot ne’e ita boot sira la tur hakmatek no la ba misa, tenki buka problema no halo barullu, tanba kalan ne’e ema presiza deskansa”, la kleur ha’u nia oan ne’e han hotu tiha, nia sai ba hemu bee, polísia tiru la kleur, joven sira mós hakmatek tiha, entaun  polísia OPS ne’e hamri’ik hela iha ha’u nia odamatan oin, la kleur família sira hakilar husi kotuk mai katak, “apa nusa mak ba deskuti malu fali ho polísia ne’e”, “mai la-lais hodi haree labarik toba latan hela iha uma kotuk ne’e”, aman husi vítima, Sebastião da Costa ba jornalista sira iha Hospital Nacional Guido Valadares (HNGV), Díli, Segunda (04-11-2019).

Aman husi vítima ne’e hateten, konfrontu ne’e mosu hafoin fila husi kari ai-funan iha loron finadu (2/11), maibé ninia oan mane la involve iha konfrontu ne’e.

Ho nune’e, Sebastião lamenta teb-tebes ho atuasaun membru OPS ne’e iha terenu, tanba loloos ne’e OPS atu hakalma deit situasaun, maibé uza fali arma hodi tiru no hakanek ema.

“Hafoin sai misa, ha’u ba rate, pois fila mai uma ha’u atu deskansa, ha’u haree joven sira kaer fatuk tuda malu, ha’u sinti kolen, ha’u deskansa no ha’u sei dehan ba joven sira katak, “imi halo problema ne’e imi ni’an, la kleur labarik ne’e sinti hamlaha nia mai han iha uma, ne’ebé ha’u dehan ba nia katak, ema halo problema iha liur ne’e, o labele ba mete no ha’u taka tiha odamatan para nia labele sai”. Ha’u sinti tristi wainhira polísia tiru fali joven sira, tanba ita mós terus hotu ba rai ida ne’e, halo ha’u nia fuan moras, tanba ita sai nu’udar na’i-ulun, ko’alia di-diak no hakalma situasaun. Bala ne’e povu ni’an, maibé tanba sá mak ita se fali ba povu, oinsa ita nia nasaun atu sai di’ak”, tenik aman husi vítima ho laran dodok.

Lee hotu :   Lere: Osan laiha atu harii muzeu tau ró aat F-FDTL nian

Entretantu joven ho idade 16 ne’e, hetan kanek iha kabun, tanba deskonfia tiru husi membru OPS ho inisial AG,  mais ou menus iha tuku 09:00 kalan, oras Timor-Leste.

Vítima Amáncio Pereira Lopes, oras ne’e dau-daun kontinua hala’o tratamentu  iha HNGV, iha  sala sirurjia mane no alende ne’e, to’o notísia ne’e públika, seidauk hetan konfirmasaun husi parte polísia. eni

Add to Comments Here!!!!

error: Content is protected.
Secured By miniOrange
You might also like:
OSF: Impase polítiku hafraku ekonomia rai-laran

Organizasaun Sagrada Família (OSF) ezije líder...

Sobrevivente Rezisténsia Juvenil no Estudantil relembra akontesimentu Lecidere

Sobrevivente Rezisténsia Juvenil no Estudantil  halibur...

CNRT ameasa vota kontra OJE 2020

Bankada CNRT, iha Parlamentu Nasionál (PN),...

Close