Dom Carlos Filipe Ximenes Belo SDB sei sai konseleiru esperitual RAEOA-ZEESM

Prezidente RAEOA-ZEESM José Luis Guterres,husu ona ba Bispu Dom Carlos Filipe Ximenes Belo SDB, atu sai konseleiru esperitual iha RAEOA-ZEESM.

“Hau husu ona ba ita nia amu Bispu Dom Carlos Filipe Ximenes Belo, SDB, atu sai hanesan konseleiru esperitual ba ami ekipa ne’ebé atu ba servi povu Oe cusse amu bispu tamba hadomi ho fuan tomak  ba ita rai no aseita hau klosok tebes. Rai no povu oe cusse fó ona kontribuisaun bo’ot ba ita nia entidade nasionál wanhira reina ida ne’e mak simu porgues sira ne’ebé nai liurai sira mak kaer ukun iha ita nia rain tempu ne’ebá simu rejiaun katólika hanesan mata dalan ne’ebé povu oe cusse rai ida espesial, esperitual ba ita nia povu ,mesmu antes europeia sira mai iha ita nia rai fiar kedas nai maromak ,ita hanesan ema politiku ita sala nain dala ruma ita bele haluha katak,komponente esperitual hodi servi paz estabilidade dezenvolvimentu liu husi bens estar ba ita nia povu”, dehan  Prezidente RAEOA-ZEESM José Luis Guterres,  hato’o husi Jose Luis Guterres iha nia diskursu ,hafoin simu posse husi Primeiru Ministru Taur Matan Ruak, iha Palásiu Governu, Kuarta(13/11).

Eis Vise Priemieru Ministru ba assunto sosial iha V Governu Konsitusional nee dehan, nia husu ona  Bispu Dom Carlos Filipe Ximenes Belo, atu sai sira nia konseleiru iha Rejiaun Administrativa Espesiál Oecusse Ambeno ne’e, tamba Bispu ne’e hadomi rai doben ida ne’e ho fuan bo’ot. No  maioria povu iha Oecusse mos ho religiaun katolika.

LUGU mos afirma, Nu’udar politiku nain atu servi povu Atoni Oecusse ,sei la haluha esperitual hodi servi paz ,estabilidade ba dezenvolvimentu iha teritóriu Oecusse ,tamba RAEOA fó ona kontribuisaun bo’ot ba entidade nasionál.Tos