JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komemora 28 Novembru ba dala 44, PPN husu líder sira unidade ba povu nia moris di’ak

Komemora 28 Novembru ba dala 44, PPN husu líder sira unidade ba povu nia moris di’ak

Komemorasaun loron proklamasaun Independensia Timor-Leste (TL) ba dala 44,  Prezidente Parlamentu Nasionál (PPN), Arão Noe de Jesus da Costa Amaral husu líder sira atu halo reflesaun no fó liman ba malu, tanba atu konkretiza objetivu ukun raik aan, povu tenke moris di’ak hotu.

Alende ne’e, líder másimu segundu órgaun lejisladór ne’e mós husu sidadaun hotu atu kontribui paz no estabilidade, hodi fó biban ba dezenvolvimentu la’o iha rai laran, nune’e povu hotu bele sente benefísia husi era independensia ne’e.

“Mai ita hotu fó liman ba malu, para dezenvolve rai ne’e, hodi atinji objetivu ne’ebé heroe sira ne’ebé mate tan rai ne’e nia hakarak katak, povu tenke moris hakmatek, moris ho di’ak no dignu, tanba ne’e, se atu atinji metas ida ne’e, presiza estabilidade, tanba dezenvolvimentu sei la la’o, bainhira laiha estabilidade,  se luta ne’e atu konkretiza tenke iha moris di’ak ba povu. Tanba ne’e, mai ita hotu, komesa husi nai ulun bo’ot sira, to’o joven no povu tomak, Timor-Leste nian, atu fó liman ba malu, para ita tau estabilidade iha ita-nia rai, nune’e hodi ita dezenvolve ita-nia rain. Diferensia polítika ne’e buat normal, maibé diferensas labele fahe ita, tanba objetivu ita nian ida de’it, atu buka povu nia moris di’ak”, apelu PPN ne’e ba jornalista sira, iha PN, Kinta (27/11/2019).

Líder másimu órgaun reprezentante povu ne’e mós kongratula povu Tmor-Leste tomak, iha komemorasaun ne’e bele iha mudansa, paz no estabilidade.

“Bazeia proklamasaun independensia 28 Novembru 1975 mak motiva Timor-oan tomak kompromete halo lutu hodi luta to’o hetan independesia 20 de Maiu 2002, ne’e katak, kompromísu naruk ida, liu-liu ba kombatentes sira, ne’ebé komprometidu luta nafatin hodi defende, to’o restaura independensia ne’e. Aproveita ho loron ida ne’e, atu fó lembra katak, sakrifisiu bo’ot ne’ebé ita-nia funu na’in sira saudozu no povu tomak so’e nia vida, iha foho no mota kuak, hodi defende ukun aan”, subliña Amaral.

Lee hotu :   Labarik mane nain rua mo’ut iha tasi

Entertantu, tinan ne’e, Timor-Leste komemora loron proklamasaun independesia ba dala 44, ne’ebé realiza iha resintu Palásiu Governu.

Iha sorin seluk, oan mane husi saudozu Afonso Redentor, sente kontente ho Kondekorasaun ne’ebé Estadu Timor-Leste  fó ba nia aman  tanba  mate iha tempu luta libertasaun nasionál.

 “Nu’udar oan sente kontenti, maibé mós sente triste tanba ha’u nia aman nia ruin seidauk hetan, tanba ne’e ami família husu ba Estadu Timor-Leste atu kontaktu ho Estadu indonézia hodi buka tuir saudozo Afonso Redentor ho sira seluk ne’ebé mate tanba rai Timor-Leste iha 1975”, Redentor Lay de Araujo.

Nia haktuir, to’o agora  Estadu Timor-Leste seidauk iha hanoin atu buka ruin funu nain ne’ebé mate iha tempu okupasaun indonézia.

“Maibé ami sei esforsu hodi koopera ho Estadu atu oinsa bele koordena ho Estadu Indonézia atu buka ruin saudozo sira nian ne’ebé to’o agora família sira seidauk hetan”,  katak Afonso.

Nune’e mós Kaben husi saudozo Afonso Redentor  Maria de Fátima Luis Lay relata, família  sei ko’alia ho Governu, liu-liu Sekretáriu Kombatentes Libertasaun Nasionál, atu oinsa bele koopera ho Primeiru Ministru hodi kontaktu ho Governu Indonézia atu buka ruin soudozu sira nian ne’ebé uluk militar Indonézia sira oho hodi buka solusaun.

Entretantu, Saudozo Afonso Redentor mate iha 1975 tanba hetan kapturasaun militar Indonézia, maibé to’o agora família sira seidauk hatene paradeiru Afonso Rentedor nia paradeiru.

Iha komemorasaun loron  proklamasaun independensia ba dala 44 ne’e, Estadu Timor-Leste kondekora funu nain sira hamutuk nain hitu nolu resin ida,  ba sakrifisiu ne’ebé sira kontribui ona ba independensia nasaun foun ne’e.say/aba

Add to Comments Here!!!!

error: Content is protected.
Secured By miniOrange
You might also like:
TL kumpri ona rekezitus tama ASEAN iha seguransa-polítika  RH-ekonomia sei fraku

Ofisial Diretór Jeral  Kooperasaun Association of...

Espoza PR husu Governu kria programa proteje direitu Labarik

Espoza Prezidente Repúblika, Francisco Guteres Lu...

Atu redus proposta OJE 2020, VPPN Maria: Desizaun husi plenária

Vise  Prezidente  Parlamentu  Nasionál (VPPN), Maria...

Close