PM hato’o sentidu kondolénsia ba matebian Constâncio dos Santos

Primeiru Ministru, Taur Matan Ruak ho nia Espoza Isabel Ferreira, hato’o sentidu kondolénsia ba matebian Constâncio dos Santos “Aquita Tama Laka Nofi’’ ho família em lutada, iha matebian nia uma iha Santa Cruz Díli, Tersa (5/11).

Xefe Governu ho nia Espoza to’o iha matebian nia uma ,no tun husi kareta , família matebian simu ho matan been no lelir hasoru ,tamba lakon jerasaun foun ne’ebé fó mós nia kontribuisaun, durante tempu rezisténsia, hodi luta ba ukun rasik-an.

Akita Tama Laka nu’udar membru organizasaun rezisténsia Asosiasaun Combatente da Brigada Negra (ACBN) , ne’ebé koñesidu mós ho kazu lori bomba husi Demak, Indonesia mai Timor iha tinan 1997 no hetan kaptura husi militar Indonézia , iha Portu Díli.

Aquita Tama Laka hakotu is iha Segunda  loron  4 , Fulan  Novembru  ne´e, mais ou menus tuku 5  loraik, wainhira hamos Kintal iha Aipelu-Liquiça.

Matebian Constâncio dos Santos “Aquita Tama Laka Nofi” mate ho idade 43, no husik hela fen ho oan na’in tolu, mane 2 feto ida.Tos