JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SETP sei hasai obrigatóriu komunidade okupa área eskola

SETP sei hasai obrigatóriu komunidade okupa área eskola

Sekretaria Estadu Terras Propriedade (SETP), sei hasai obrigatóriu komunidade ne’ebé okupa resintu eskola bainhira la kumpri karta notifikasaun ne’ebé Terras Propriedades fo ho durasaun tempu loron 15 to’o 30 atu komunidade sira hamamuk resintu eskola ne’ebé sira okupa.

Sekretariu Estadu Terras no Propriedades, Mario Ximenes, hatete, sira sei bolu Xefe Suku sira neébé pertensia ba rai eskola ne’ebé komunidade okupa hodi halo enkontru, atu fo karta notifikasaun liu husi dala rua hanesan notifikasaun ba Xefe Suku sira hodi fo informasaun ba komunidade no ida seluk sei halo karta notifikasaun direita ba komunida okupa resintu eskola.

“ Iha primeriu faze ami sei notifika ho durasaun tempu loron 30 atu komunidade hamamuk fatin, no karik iha loron 30 komunidade sira la kumpri ami sei fo tan loron 15 atu sira sai, no ida ne’e mak sira lakoi sai nafatin maka ami sei uza despezu admistrativu katak hasai obrigatoriu,”dehan Sekretariu Estadu Terras no Propriedades, Mario Ximenes, ba JNSEMANÁRIO, Sesta (22/11/2019) iha Bebora Díli.

Sekretariu Estadu Terras no Propriedades afirma, karta notifikasaun primeiru ne’ebé Terras fo husu atu sira hamamuk fatin eskola liu-liu sira ne’ebé hela kedas iha eskola, tamba ho objetivu ida atu labele difikulta prosesu aprendijajen estudante sira nian tanba dalaruma ho ema ida rua ne’ebé hela iha área eskola, mak nia afeitadu ne’e ba ema hotu nia oan ne’ebé eskola.

“Prosesu aprendijajen bele lao ladiak impaktu husi komunidade ne’ebé hela iha área eskola, entaun oinsa mak ita bele garante kualidade edukasaun sei estudante sira la eskola iha fatin ne’ebé seguru no livre atu aproveita siensia ne’ebé professor sira hanorin, tamba ne’e ami simu ona karta husi Ministériu Edukasaun no oras ne’e ami tenta notifika karta ba komunidade sira,” dehan Mario Ximenes.

Lee hotu :   MESSK ameasa taka klase paralelu

Governante ne’e subliña, hahu fulan Janeiru Terras no Propriedades komesa hasai komunidade sira tamba oras ne’e karta notifikasaun hahu fahe ona ba komunidade hela iha resintu eskola, maibé konaba indemnizasaunami sei hare regras bainhira atu fo kompensaun tanba sei fo kompensaun ba familia ida sira seluk mos husu.

“Ami presiza hare bainhira fo kompensasaun, karik rai ne’ebé hari’i eskola pertense ba Estadu mak komunidade uza ou rai ne’e privadu mak Estadu uza hodi hari’i eskola, entaun ida ami presiza hare lai nia prosedor  no prosedor mos la fasil hanesan ema koalia, tamba bainhira atu fo indemnizasauntenke hare fatin ne’ebé komunidade okupa priense rekejitus ga lae husi Estadu no karik rai ne’e pertense ba Estadu mak sira tenke halo karta lisensa ba iha Terras no Propriedades.”

Nia dehan, iha lista provizoriu ne’ebé atu hasai komunidade okupa resintu eskola sira mak, eskola Sekundariu 4 de Setembru, Esokal Bazika Cental Bidau, Eskola Bazika Filial Bemori, Aituri-laran no seluk tan.Fel

 

Add to Comments Here!!!!

error: Content is protected.
Secured By miniOrange
You might also like:
Hakotu impase, CNRT apoia PM diálogu ho PR ■ Jurista Avelino: Presiza reforma kuadru legál

Deputadu bankada Congresso Nacional Reconstrução de...

Ahi mate iha Aeroportu Comoro, PN konsidera hatudu imajen ladiak ba mundu

Prezidenti komisaun E ne’ebé trata asuntu...

EBC Cribas uza be’e mota hodi tein merenda eskola

Diretóra Ensinu Bázika Centrál ( EBC)...

Close