JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eis PR Horta: Veteranu TL diak liu lalika envolve iha ParPol

Eis PR Horta: Veteranu TL diak liu lalika envolve iha ParPol

Eis Prezidente Repúblika, José Ramos Horta, fiar katak,  kongresu nasionál veteranu nian ba dahuluk bele tau atensaun ba veteranu sira atu labele involve iha Partidu Polítika (ParPol).

Kestaun ne’e hato’o husi eis xefe Estadu Timor-Leste, José Ramos Horta, bainhira partisipa iha Kongresu Nasional veteranu ba  dahuluk ne’ebé hala’o iha Centro Convenções de Díli, Kinta (19/12/2019).

Ramos Horta hateten, veteranu sira  iha Timor-Leste la organizadu tanba  involve iha paritidu polítika.

Maibé laureadu premiu nobel da paz ne’e optimista katak,  ho kongresu nasionál veteranus nian ne’e bele iha estatutu  ida hodi kesi veteranu sira labele involve  aan iha partidu polítiku tanba husi polítiku mak halo veteranu sira fahe malu.

“Veteranu sira hanesan iha Austrália la bele politizadu. iha Austrália, veteranu sira, Kongresu Asosiasaun Veteranu, sira lamete polítika, la apoia partidu ida ne’e no partidu ida ne’ebá. Ita nian ne’e rungu-ranga, lori partidu sira tama iha veteranu sira depois veteranu sira hirus malu, fahe malu tanba partidu. Ohin sira nia oportunidade diskuti didiak, haree estatutu. Ha’u seidauk lee estatutu ne’e. Se estatutu autoriza permite fo fatin ka lae ba partidu sira lori sira-nia kanuru tama iha sanan-laran veteranu sira nian. Diak liu veteranu sira kongresu asosiasaun ruma proibi partidu sira lori sira-nia kanuru tohar ba veteranu sira nian dapur. Sira be veteranu duni, sira ne’ebé luta tinan 24 anos ou 20 anos, pelo menus 15 anos nunca troka ba-mai, Lere hanesan ezemplu ida. nia la troka ba-mai, 24 anos duni. sira ne’e, hau hakrúk ba sira, ne’e erói duni,”dehan diplomata senior TL José Ramos Horta.

Lee hotu :   Kompañia 48 asina kontratu ba projetu estrada rural MOP Salvador: “Laiha kualidade governu sei la selu”

Antes ne’e, Sekretáriu Estadu asuntu kombatente Libertasaun Nasionál, Gil da Costa Monteiro “Oan Soru”, deklara, sei lori veteranu hotu hamutuk iha konsellu ida deit mak  konsellu veteranu atu nune’e labele envole iha paritdu polítiku ruma hodi nune’e veteranu sira labele fahe malu tan.

‘Oan Soru’ husu veteranu sira tenke organizadu

Nune’e mos, Sekretáriu Estadu ba Asuntu Kombatente Libertasaun Nasionál (SEAKLN), Gil da Costa Monteiro ‘Oan Soru’, husu ba veteranu hotu-hotu tenke organizadu, atu bele lori dezenvolvimentu ba oin.

Oan Soru hatete lia hirak ne’e iha kongresu nasionál veteranu nian ba dahuluk iha Centro Convenção de Díli (CCD), Kinta (19/12/2019).

Governante ne’e reforsa liutan katak, durante tempu funu, veteranu hotu – hotu preparadu, organizadu, hodi hasoru terus no mate, to’o hetan ukun a’an, maibe wainhira funu hotu tiha, veteranu hotu-hotu namkari.

“Iha tinan 24 ita preparadu no organizadu ba terus no mate. Liu tiha tinan 24 depois de 99, iha dia 25/10/1999, ita hahú fahe malu namkari. No dia 2/02/2001 muda FALINTIL ba F-FDTL. Hahú fahe malu a’at liu tan. Molok mai to’o, restaurasaun da independénsia, fahe malu ba bebeik. Pior liu ita nia lideransa, sira ida-idak hamrik ho nia partidu polítiku,” hateten, SEAKLN, Gil da Costa Monteiro Oan Soru.

Maibe, Sekretariu Estadu ne’e, iha esperansa bo’ot katak veteranu hotu-hotu bele organizadu ho diak, maibé persija mos lideransa no organizasaun hodi bele halibur no organiza veteranu sira hotu.

Entretantu, Sekretariu Estadu Kombatentes Libertasaun Nasionál realiza kongresu nasionál ba dahuluk iha Centro Convensões Dili (CCD), Timor-Leste, durante loron rua, hahú husi loron (19 to’o 20 /12/2019).

Lee hotu :   Tinan oin, okupante rai Estadu hahú selu arendamentu

“Sentidu husi kongresu ne’e, em prinsipiu baseia ba artigu 35 estatuto dos combatentes da libertacão nacionál ne’ebé produs dekretu lei númeru 2/2018. Estabelesementu konselu dos kombatentes da libertasaun nasionál, ne’ebé produs dekretu lei númeru 7/2018 kona ba estabelesementu konselu kombatente libertasaun,” Esplika, SEAKLN Gil da Costa Monteiro Oan Soru

Tuir lolos kongresu ne’e sei hala’o iha tinan oin, maibe tanba tempu tenke realiza tinan ne’e.

“Lolos kongresu ne’e sei hala’o iha 2020, maibé tempu ita estraga demais. Tambá tempú ne’e dalaruma, envez ita mak uluk lae, tempu mak halai uluk,” dehan, SEAKLN ne’e.

Gil da Costa Monteiro Oan Soru esplika liutan, iha lei konstitusional, iha artigu 11 koalia kona ba valorizasaun rezistensia nomos iha estatutu kombatente libertasaun nasionál artigu 35 ne’ebé koalia liu kona ba kria orgaun konsulta ida husi veterenus atu nune’e Governu bele konsulta atividade ruma relasiona ho interese veteranus ninia.

“Ba konsellu kombatentes da libertasaun nasionál ne’e tuir lei haruka, kontituisaun artigu 11 koalia kona ba valorizasaun da rezisténsia, estatutu kombatentes da libertasaun nasional koalia barak iha artigu 35,” esplika, Oan Soru.

Ne’ebé koalia liu kona-ba kria orgaun konsulta ida husi veteranus ninian para governu bele konsulta atividade ruma relasiona ho interese veteranus sira nian bele konsulta liu husi orgaun ida ne’e.

Entretantu kongresu nasional ne’e partisipa husi kongresista besik 900, husi Munisipiu 12 inklui RAEOA, alende ne’e mos partisipa husi membru Governu, Membru Parlamentu Nasional, sosiedade sivil, korpu diplomatiku sira, no entidade sira seluk.Oly/GMN

 

Add to Comments Here!!!!

error: Content is protected.
Secured By miniOrange
You might also like:
Sosiadade Sivíl husu KAK investiga Autór ba kazu Ró Haksolok

Asosiasaun HAK husu ba Komisaun Anti...

Sriwijaya Air “moras todan”, pasajeiru sira hili sa’e aviaun Citilink

Pasajeiru Sriwijaya Air, Nelson Estevano Moreira...

Hadia estrada Gleno-Letefoho-Hatubuliku, Governu Empresta osan husi BM

Reuniaun Konsellu Ministru semana ne’e asiste...

Close