JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Garante bee bá bailoron-naruk, PERMATIL konserva Bee Matan no Debu

Garante bee bá bailoron-naruk,  PERMATIL konserva Bee Matan no Debu

Foto:Google

ONG PERMATIL organiza Workshop hodi restaura bee matan no debu, hodi bele garante bee kontinua iha ba bailoron naruk.

Organizasaun Naun Governamental (ONG), Permakultura Timor Lorosa’e  (PERMATIL), organiza workshop ne’e durante loron hát (17 to’o 20 / 12/2019) ne’ebé realiza iha postu Administrativu Maliana, Munisípiu Bobonaro.

Ho filozofia ida katak, Bee mak moris, laiha bee, laiha moris, tanba Bee mak nesesidade esensiál ba kriatura sira inklui biodiversidade.

Tanba ne’e, ONG Permakultura Timor Lorosa’e organiza workshop  hodi halo konservasaun Bee matan Molobelis (Malus Mutin,red) iha Aldeia Anahun, Suku Odomau no Suku Lahomea, Postu Administrativu Maliana, Munisípiu Bobonaro.

Diretur Ezekutivu PERMATIL Eugénio ‘Ego’ Lemos hateten, objetivu prinsipál husi atividade ne’e hodi konserva bee ba bailoron naruk nia laran, tanba iha Timor Leste bainhira tempu bailoron, komunidade sempre halerik ba Bee moos.

 “Iha Timor ne’e tinan-tinan udan, kuandu tempu udan ne’e dalaruma iha fatin balun ne’e ita haree udan barak, balun udan uitoan, mais kuaze udan been sira ne’e ita la salva, bee suli hotu ba mota, suli hotu ba tasi, entaun tempu bailoron ne’e ita bee laiha, entaun será ke timor ita nia populasaun sira konsumu bee matan ho bee rai. agora bee matan ho bee rai mai husi ne’ebé, mai husi ai laran no mai husi debu sira, entaun ne’e mak ita haree durante ita ukun aan to’o agora, ita haree imvestimentu infraestrutura bee ne’e boot, kuaze miliaun ba miliaun, ba halo irigasaun, ba tanke, ba dada pipa no sira seluk, mais ita la tau atensaun iha konservasaun ba bee matan no debu sira, no fim ita nia debu sira sai maran, tanba ema tesi hotu ai, ema sunu, bee matan sira ema halo to’os iha leten, ema sunu rai haleu, entaun bee matan sira ne’e sai maran, ne’e afeta tebtebes ba komunidade sira nia moris loro-loron,” hatete, Direktur Ezekutivu PERMATIL ba JN-Diario, foin lalais ne’e.

Lee hotu :   Rui: ESML hala’o vijilánsia epidemiolojika ba komunidade

Nune’e mos, Xefe Suku Lahomea, Cirilio Mau Leto Lopes hateten, prátika ne’ebé PERMATIL hatudu ne’e, nu’udar ezemplu di’ak ida ba komunidade iha postu administrativu Maliana atu banati tuir nafatin buat ne’ebé PERMATIL implementa.

“Ha’u hanoin ida ne’e mak mehi ne’ebé mak xefi suku ho xefi aldeia, liu-liu komunidade sira nia mehi, PERMATIL hanesan mai halo imajem ida, nia lori imajem ida mai hatur hela, maibé ba futuru presiza xefi do suco, liu-liu xefi do suco na’in 5 ninia hanoin ruma oinsa para atu iha kontinuasaun, dalaruma iha tempu badak foin mak hahú, permatil mai hatudu hela imajem ida, iha tempu badak ami suku hirak ne’ebé mak eziste iha kapitál maliana, ami sei tur hela, oinsa para atu koalia ho administrador postu bele iha kontinuasaun,” dehan, Cirilio Mau Leto Lopes.

Adjuntu Servisu Água no Saneamentu (SAS) Postu Administrativu Maliana agradese ba PERMATIL, tanba durante ne’e sistema bee ne’ebé eziste iha postu administrativu maliana ne’e uza sistema urbana, tanba ne’e liu husi atividade refere bele aumenta volume bee ba komunidade.

“Obrigadu no agradese ba ONG PERMATIL ne’ebé mak iha inisiativa halo programa ida ne’e, liu-liu ba iha oinsa atu restaura ka halo debu ne’ebé maka ho objetivi atu bele konserva fali bee matan hirak ne’ebé maka durante ne’e iha área Galusapuluh nian, tanba tuir esperiensia ne’ebé maka ami iha ho tan tina ida ne’e ita akontese sirkulus bee ne’ebé maka menus tebes, entaun ho atividade ida ne’e ami hato’o obrigadu tanba bele konserva bee matan ne’e hodi nune’e iha tempu tuir mai, tinan tolu haat lima mai ne’e, bele aumenta kuantidade volume bee, liu – liu ba iha kapitál Munisipiu Bobonaro,” dehan, Adjuntu SAS Maliana ne’e.

Lee hotu :   Marí Alkatiri: Labele hakerek istória ulun tun-ain sa’e

Atividade konservasaun bee matan ho debu ne’e remata iha loron Sesta (20/12/2019) no tuir planu sei kuda mós ai oan iha fatin refere. Eus

 

Add to Comments Here!!!!

error: Content is protected.
Secured By miniOrange
You might also like:
Kámara deputadu halo destituisaun kontra Donald Trump

Kámara Deputadu sira Estadu Unidu Amérika...

FM husu PNTL atu kontrola fugetis

Peskizador  Fundasaun Mahein Sancho Xavier,  husu...

Kazu soke mate aman ho oan, FM konsidera MP ho PNTL hatudu frakeza iha públiku

Peskizador  Fundasaun Mahein, Sancho Xavier, konsidera...

Close