JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komisaun Omenajen identifika fatin istóriku Buamoloe

Komisaun Omenajen identifika fatin istóriku Buamoloe

Komisáriu Komisaun Omenajen munisípiu Liquiça, Cesar da Silva, ho Veteranu sira halo identifikasaun  ba fatin istóriku  konsentrasaun FALINTIL  Bazartete iha tinan 1979 hodi  mai asalta  forsa Indonézia iha Dare no Marabia inklui Becora iha tinan 1980.

Aktividade   identifikasaun  ne’e hala’o Kuarta (11/12/19) iha iha Aldeia  Buamoloe, Suku  Fahilebo, Postu Administativu Basartete munisípiu  Liquiça. Tuir planu fatin refere, Komisaun Omenajen munisípiu Liquiça, sei harii monomentu ruma  hodi sai hanesan fatin istóriku  turismu.

“Intensaun  ita nian atu mai rekore identifika fali fatin ida ne’e atu ita halo  sai hanesan turismu istóriku  ba  ita boot sira, ba  ita boot  sira nia jerasaun tuir mai. Para  aban bairu hatur iha fatin Buamoloe iha Suku  Fahilebo ema hotu bele koñese”,esplika Komisáriu Komisaun Omenajen munisípiu Liquiça Cesar da Silva,  waihira hatoo mensajen ba Veteranu Postu administrativu  Bazartete.

Merak dehan, tuir administrasaun teritorial ne’e  hateten katak, Postu Bazartete,  iha  ninia istória durante  tinan 24 de luta  nian.

  “Sai hanesan fatin istóriku boot tebes-tebes  ba  ita boot sira ne’ebé  mak ohin marka prejensa  nomós ba  ita boot sira nia jerasaun ba aban bairua nian.  Tanba  ne’e mak  husu ba imi joven ne’ebé mak prejensa iha  fatin ne’e, depois enkontru  ita boot sira hatoo informasaun ba malu  katak horseik ka horbainrua  ami enkontru ho ita nia avo  no aman no tiu sira iha fatin Buamoloe hodi hanoin hikas buat ne’ebé mak aman sira halo  no sira hatur hela iha  Buamoloe ne’e”,dehan  Merak.

Tanb ne’e komisaun Omenajen  halo uluk identifikasaun para hatene  kondisaun  para hateen  fatin Buamoloe  sei nafatin ka iha mudansa.

Lee hotu :   Governu rekoñese kustu internet karun no loading kleur

 “Liu husi  ita nia identifikasaun  depois mak  ita halo programa tuir mai. Tanba  ne’e mak objetivu ida ne’e, apenas   ita mai identifika fali fatin uluk ninian  hodi ita  tau hamutuk hanoin  para aban bairua ita bele realiza eventu ne’ebé mak boot liu  ida  ne’e, bele realiza aktividade ida ne’e ho prezensa  ita nia nai ulun governu. Agora dadauk entre  ita de’it”,dehan Merak.

Nune’e mós Veteranu Jerónimo dos Santos “Hanoin” hateten,   akontesimentu sira ne’e iha tinan hat nulu liu ba.

“Ami grupu kikoan ida husi Basartete husi forsa vila laran ne’ebé mai hasoru sira ailaran iha ne’e, liu-liu sira nain tolu komandante Ernesto, Komandante Maucaro 305 no Merak rasik sobrevivente,  hasoru malu iha ne’e atu harahun inimigu iha Bazartete, mas inimigu rona antes tiha  entaun kaer tiha uluk ami, entaun FALINTIL sira la konsege asaltu  forsa Indonézia iha Basartete, maibé  buat sira ne’e hanoin  nafatin iha ami nia ulun katak,  loron ida sei raventa. Tanba  ne’e liu fulan nen  FALINTIL ba raventa  fali iha Marabia Díli,”,dehan  Veteranu Hanoin.

Alende ne’e Xefe Suku Fahilebo, Marcelino da Cruz hatete, kuandu governu atu harii monomentu ne’e presiza  hadia estrada, atu nune’e bele  atrai ema barak  ba vizita  fatin istóriku ne’e

“Komisaun mai identifika fatin Buamoloe,  fatin  ida ne’ebé antigu deste  ita nia FALINTIL sira halibur ba. Hanesan ita nia komisaun dehan sei halo fatin ne’e sai fatin turismu ba  istóriku, maibe  primeiru ita hakarak dalan, dalan diak depois bee, bee hotu tiha mak  ita tama ba  eletrisidade, tanba ita halo tiha monumentu mak  ita la  halo estrada ita sei la halo buat ida , entaun hanesan identifikasaun ne’e sei la folin buat ida”,dehan  Marcelino da Cruz.

Lee hotu :   Somoxcho: “GMN avansadu tebes”

Enkuantu kona-ba orsamentu ne’ebé mak atu koloka hodi harii monomentu ne’e, komisaun Omenajen seidauk propoin, tanba  foin mak halo identifikasaun ba fatin.avi

 

Add to Comments Here!!!!

error: Content is protected.
Secured By miniOrange
You might also like:
Governu seidauk informa ba PN atu aprezenta OJE iha loron 13

Primeiru Vise Prezidente Parlamentu Nasionál (PN),...

FRETILIN: Asesór komanda fali ministériu balun

Vise Xefi bankada Frente Revolucionário do...

Lere Anan Timur: PR konkorda loke fali grupu arte marsial

Xefe Estadu Maior FALINTIL Forsa Defeza...

Close