JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Marí Alkatiri: Labele hakerek istória ulun tun-ain sa’e

Marí Alkatiri: Labele hakerek istória ulun tun-ain sa’e

Eis Primeiru Ministru, Marí Alkatiri, husu ba istoriadór sira atu hakerek istória Timor-Leste ho lolos, labele inventa istória hodi halo ulun tun-ain sa’e.

“Ha’u hanoin se ita hakarak hadia ita nia istória, entaun ita tenke hahú kedas ohin. Hahú kedas ohin hadi’a ita nia istória, ne’e mak importante. Istória ne’e ida ne’e ita atu husik ba ita nia oan-bei oan sira, hanesan istória ida ke hametin ita nia identidade nasionál, labele istória ida ke halo fali ulun tun ain sae, ne’ebé halo ita nia identidade ne’e atu rahun, ne’e mak hau hakarak hatete deit, istória para hametin ita nia identidade hahú husi 74 no 75 to’o ohin loron. Labele foti deit iha klaran i depois la’o ba oin, ne’e so istória ida be hahú 74 no 75 to’o ohin loron mak bele halibur ita fali, tau ita hotu hamutuk hodi hateke ba oin”,Marí Alkatiri hato’o deklarasaun ne’e, iha nia intervensaun Priméiru Kongresu Nasionál veteranu Kombatente Libertasaun Nasionál ba loron daruak, Sesta (20/12), iha Sentru Konvensaun Díli.

Alkatiri afirma, dezenvolvimentu nasionál la’o ba oin, presiza inisiadór istória luta libertasaun nasionál tenke hamutuk.

Alkatiri dehan, liu husi Kongresu Nasionál Veteranu ne’e mak bele hadia istória no halibur veteranu luta libertasaun nasionál nian, nune’e bele hametin identidade veteranu iha futuru.

Primeiru Kongresu Nasionál Veteranu ne’e realiza, ho objetivu atu harii Konsellu Nasionál Veteranu Kombatente Libertasaun Nasionál (KNVKLN), ne’ebé sai mahon ba veteranu hotu iha Timor Leste, tanba veteranu mak hanesan riin ba ukun-an, no na’in ba nasaun.GMN

Lee hotu :   Selebra aniversáriu ba dala-74, Xanana husu povu tomak harii domin no dame

Add to Comments Here!!!!

error: Content is protected.
Secured By miniOrange
You might also like:
Bee-Mota sai alternativu ba komunidade Alas

Komunidade Postu Administrativu Alas, Munisípiu Manufahi,...

Atu kria kampu traballu, MRLAP: Tenke kapasita setór privadu sira

Ministru Reforma Lejislativa Asuntu Parlamentar (MRLAP),...

Janeiru debate OJE 2020, PR Lú Olo: Sei atraza dezenvolvimentu nasionál

Prezidente Repúblika (PR), Francisco Guterres Lú...

Close