Pilotu moras, Aviaun PK-BVN dirésaun Kisar-Kupang landing emerjensia iha AI Comoro

Aviaun  ho marka Papa Kilo Bravo November (PK-BVN) Carly  20-8-13, tula pasajeiru 10 semo husi Kisar Indonézia atu ba Kupang, maibé aviaun refere ténki landing emerjensia iha Aeroportu Internasionál (AI) Nicolau Lobato Comoro, Díli, tanba pilotu sofre moras fuan.

Aviaun ne’e tun iha Aeroportu Internasionál Nicolau Lobato Comoro, Kinta (05/12/19) mais ou menus tuku  2 ho balun oras Timor-Leste.

Wainhira aviaun ne’e lending tiha funsionariu  Estadu sira servisu iha Aerooportu  halo kedas atendementu no  evakua  Cop Pilotu  Yannik ba Hospital Nasionál Guido Valadares (HNGV), hodi hala’o tratamentu emerjensia.

Tuir pasajeirus Yensin  Christian haktuir,  sira sai   husi Kisar mais ou menus tuku 12 oras lokal  Indonézia,  aviaun cop pilotu Yannik  ho piloto Matias Martenelli  opera aviaun ne’e semo diak tebes, maibé derepenti de’it,   nia haree cop piloto Yannik nakdedar, hodi fó avizu  ba pasajeiru sira katak, aviaun ténki lending  emerjensia iha Aeroportu Internasionál Nicolau Lobato Timor-Leste, tanba cop piloto  sofre moras fuan.

“Ami tuun ho selamat hotu, laiha insidentente ruma mak akontese  baa mi pasajeiru sira”, esplika pasajeirus Yensin  Christian, ba jornalista sira, Kinta (05/12/19), iha Aeroportu Internasionál Nicolau Lobato Timor-Leste.

Alende ne’e Embaisador Indonézia  ba Timor-Leste Sahat Sitorus, agradese Estadu Timor-Leste,  ne’ebé mak  fasilita ona aviaun landing emerjensia iha aeroportu internasionál Nicolau Lobato.

“Ami husu obrigado barak ba Estadu Timor-Leste no funsionariu sira, ne’ebé mak halo ona atendementu diak baa mi nia sidadaun Indonézia sira”,dehan Sahat Sitorus.

Aviaun ne’e kontinua semo  fali Kupang Indonesia,hafoin  cop piloto Yannik  ba   halo  tramentu emerjensia iha Hospital Nasionál Guido Valadares. Pilotu  seluk  ho naran Matias Martenelli la sofre moras ruma.avi