PR Lú Olo: Natal loron reflesaun hametin identidade sarani Katólika

Prezidente Repúblika (PR), Francisco Guterres Lú Olo, hatete, natal nu’udar loron reflesaun hamutuk, hodi bele kaer metin nafatin propriu identidade nu’udar sarani Katólika.

Xefe Estadu  hato’o  mensajen natal nian ba sarani katólika tomak katak,  loron natal mak loron domin no paz ba ema  hotu,  liu-liu ba sarani katólika tomak iha mundu nomós iha  Timor-Leste.

“Ita hotu hatene katak, natal iha loron ksolok nian,  dame ninian ita halibur hamutuk hodi bele reza halo orasaun hamutuk,  nomós halo reflesaun hamutuk ba ita nia moris ne’e,  oinsa mak ita bele kaer metin nafatin propriu indentidade nu’udar ema sarani, ao mesmu tempu hanesan mós sidadaun Timor-Leste ninian”, hatete Lú Olo hafoin paritisipa iha selebrasaun misa natal kalan Iha igreja Katedral Díli, Tersa (24/12/2109).

Misa natal kalan iha igreja Katedral ne’e, prezide husi Arche Bispu Dioseze Díli, Dom Virgilio do Carmo da Silva , no paritsipa husi Xefe Estadu no nia Espoza, Cidaliza Mouzinho Guterres, no entidade ho sarani sira seluk.

“Portantu  ohin kalan haksolok bo’ot ba ita hotu, no ha’u hakarak aproveita oportunidade ne’e fó boas festas natal ba sarani sira hotu, no ba povu Timor-Leste tomak”, subliña Lú Olo.oly