Yogi Rizkin Bahar husu funsionáriu Telkomcel prevene a’an husi droga

Chief Executive  Officer (CEO) Yogi Rizkin Bahar, husu funsionáriu  husu Telkomcel atu prevene a’an husi droga.

Yogi Rizkin Bahar hato’o lia hirak ne’e iha ámbitu aniversáriu Telkomcel  ba dala 7, ne’ebé mak  hala’o iha Kuarta (04/12/19) ne’e iha salaun Terra Santa Komoro.

Yogi esplika iha selebrasaun ne’e sira konvida Polísia Nasionál Servisu Investigasaun Kriminal  atu halo desminasaun informasaun   ba funsionáriu sira oinsá  atu prevene a’an husi droga.

  “Loron ida ne’e Telkomcel selebra nia  aniversariu ba dala 7.  Tanba  ne’e  ita iha inisiativa konvida PNTL,  hodi hala’o sosializasaun informasaun kona-ba prevensaun droga. Ami hatene  droga  ne’e la’os  perigu de’it ba familia sira, maibé per

igu mós ba nasaun. Tanba  ne’e ami lakohi  funsionáriu sira uza droga”,esplika Chief Executive  Officer (CEO) Yogi Rizkin Bahar iha Terra Santa.

Nia dehan, droga bainhira ema konsumu bele  fó impaktu mós ba servisu.

“Ami alerta makas kuandu sé mak involve iha droga ami sei hasai”,dehan  Yogi Rizkin Bahar.

Nia akresenta, bainhira kuandu halo rekrutamentu ba funsionáriu foun, sira mós planea atu hala’o tes urin ba  funsionanriu  atu nune’e bele prevene ba droga.avi