JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LUGU: Asesór 15 iha RAEOA ho saláriu bo’ot, la kontra lei

LUGU: Asesór 15 iha RAEOA ho saláriu bo’ot, la kontra lei

Prezidente Autoridade Rejiaun Administrativa Espesial Oe-cusse Ambeno-Zona Espesial Ekonomia Sosial Merkadu (RAEOA-ZEESM), José Luis Guterres (LUGU), hateten, Autoridade RAEOA kontrata asesór 15 ho saláriu bo’ot iha RAEOA, bazeia ba lei no regra ne’ebé estabelese ona iha Governu anterior.

Tanba ne’e la viola lei ka regra ruma, tanba parte ida atu promove no valoriza Timor-oan ne’ebé iha kapasidade no iha nível estudu bo’ot.

“Presiza hatene katak, lei ne’ebé sai iha tempu eis Primeiru Ministru Rui Maria de Araújo, lei ne’e di’ak tanba komesa atu valoriza ita-nia profisionais Timorenses, ita labele hanoin bebeik ema sira mai husi rai liur ne’e di’ak liu ita, ne’ebé ita-0nia ema ne’ebé iha mestradu, ita la valoriza ema sira ne’e, saida mak limita ita ne’e mak orsamentu ne’ebé alokadu, ami mós iha alokasaun ba tékniku sira, maibé iha limites. Ami tenke rekruta ema tuir orsamentu ne’ebé iha, ami labele rekruta ema barak liu, tanba selae orsamentu laiha”, tenik José Luis Guterres ba jornalista sira iha PN, hafoin partisipa audiénsia ho deputadu sira, Tersa (07/01/2020)

eis deputadu ne’e afirma, kontratu ba asesor sira iha RAEOA ne’ebé 15 ne’e, kuaze mesak ho tempu tinan ida de’it, tanba ne’e, bele aumenta tuir nessesidade.

“Kontratu sira ne’e tinan ida de’it, aban bainrua mak ita sei halo ajustamentu, para haree ema ne’ebé bele kontinua, no ema ne’ebé bele fó fali tempu ba ema seluk ou nia mós hakarak ba halo buat seluk, tanba ne’e, relasaun ho asesores ne’e, buat ida ne’ebé la’os komplikadu barak, dezde bainhira ema ne’e iha kompetensia no hatene servisu, tanba asesores ne’e atu fó apoiu mós ba iha Sekretaris Rejiaonais ne’ebé sei iha. Ne’e Timor-oan, ami sei laiha ema estranjeiru barak, tanba ne’e ita tenke valoriza, ema sira ne’ebé ho esforsu estuda iha universidade ne’ebé di’ak, bainhira la valoriza oinsa bainhira ita atu kompete iha ASEAN ne’e, tanba ne’e ita presiza muda polítika no fiar ita-nia ema Timor-oan rasik. Iha asesores 15, maibé bele aumenta tuir nessesidade, tanba iha kontratu tinan 1 de’it”,dehan LUGU.

Lee hotu :   AMIZADE TL-AUSTRALIA SEI LORI DEZENVOLVIMENTU EKONÓMIKU

Antes ne’e, sosiedade sivíl sira inklui deputadu FRETILIN no liu liu deputadu sira bankada CNRT ne’ebé parte husi koligasaun Aliansa Mudansa ba Progresu mós, kestiona, tanba Oitavu Governu Konstitusional ne’ebé rektura asesores kuaze rihun resin.

Alende ne’e, iha mós sosiedade sivíl balun fó sujestaun katak, atu bele rekruta asesores ne’ebé iha péritu duni, no mestradu, la’os remata de’it sekundaria ou lisensitura de’it mós ba asesor, tanba polítika, hodi hatodan de’it pezu ba orsamentu jerál Estadu kada tinan.say

 

Add to Comments Here!!!!

error: Content is protected.
Secured By miniOrange
You might also like:
PN lamenta planu MEJD sosa komputadór ba ensinu báziku

Membru komisaun G iha Parlamentu Nasional...

JSMP: Governu tenke fó atensaun dignu ba prezioneiru nia saúde

Adjunta Interina Diretora Judicial System Monitoring...

Orsamentu ba atende situasaun emerjénsia iha TL la sufisiente

Sekretáriu Estadu Protesaun Sivíl,   hateten, orsamentu...

Close