JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Omenajen ikus ba saudoza Albina Marçal PN senti lakon tan figura diak ida

Omenajen ikus ba saudoza Albina Marçal PN senti lakon tan figura diak ida

Parlamentu Nasionál (PN) Organiza sesaun solene, Kinta (02/01), hodi fó omenajen ikus ba matebian Albina Marçal Freitas “Bia Shana Falu”, ne’ebé hakotu ona nia peregrinasaun iha mundu.

Deputada Bankada CNRT nee hakotu Iis, iha loron  Sabado (28/ 12/ 2019) iha Hospital Nacional Guido Valdares Díli, tanba moras kankru.

Reprezentante Bankada sira iha PN, hato’o sentidu kondelénsia kle’an, ba saudoza Albina Marçal Freitas no família sira liu husi sesaun solene.

Deputado sira konsidera Timor Leste lakon tan figura diak ida ne’ebe durante ne’e fó nia kontribuisaun  makaas ba funu libertasaun nasionál.

Matebian nudar veterana FALINTIL, nebe simu kondekorasaun ho medalla da ordem do Nicolau Lobato do Grao I.

Reprezentante Bankada Parlamentar CNRT, Deputada Bendita Moniz  deklara, durante saudoza nia moris tomak, dedika an ba dezenvolvimentu sosiedade Timor Leste no luta maka’as ba direitus umanus.

“Saudoza Albina Marçal Freitas nu’udar feto guerileira,  ativista OPMT, organizasaun CNRM no CNRT nu’udar asistenti polítika rejiaun um, iha priméira unidade ba Brigada Vermella Ponta Leste, iha tempu rejisténsia iha ai laran, saudoza asume knaar oi-oin.

Alende ativista OPMT iha ailaran, no asistenti polítiku iha rejiaun um, nia asume knaar mós hanesan adjuntu xefi iha nukleo membru CNRM, formadora ba rekrutamentu feto guereira hodi rejiste hasoru okupasaun indonézia.

Saudoza Albina Freitas iha nia moris tomak, dedika nia an ba dezenvolvimentu sosiedade Timor Leste, nu’udar ativista direitus umanus, luta na’in ba labarik no maluk feto sira ne’ebé hasoru diskriminasaun oi-oin, no nia ativu prejensa iha parlamentu, hodi hametin justisa no demokrásia iha ita nia país.

 CNRT senti triste tebes, tanba lakon tan militante no kuadru polítiku ida ne’ebé matenek no diak tebes, haraik an no determinante iha nia luta hodi defende ita rain.

Lee hotu :   Governu promete konstroi aeroportu Díli di’ak liu Rota do Sândalo

Nune mos reprezentante Bankada Parlamentar FRETILIN, Deputada Lídia Norberta, katak durante saudoza nia moris, luta maka’a liu ba direitus umanus no diréitu ba feto sira iha Timor Leste.

“Durante funu hasoru okupasaun ba libertasaun nasionál Timoroan nian, tanba ninia dedikasaun ba direitus umanus ema timoroan sira nian, liuliu nia feto maluk sira, mak saudoza harii organizaun ONG Ligéiru ne’ebé servisu ba asuntu ida ne’e. Saudoza mós hala’o knaar iha Partidu CNRT, ne’ebé ikus mai lori sudoza eleita no mai tur iha PN, nu’udar Deputadu. To’o saudoza husik nia iis loron hirak liu ba saudoza lidera meza komisaun G, nu’udar prezidenti komisaun ne’ebé mak trata asuntu edukasaun”, hateten Deputada Lídia Norberta.

Reprezentante Bankada Parlamentar Partidu Demokrátiku (PD), Antónia da Conceição mós hato’ot nia sentidu kondelénsia kle’an ba família matebian no Partidu CNRT, tanba lakon ona nia líder diak ida.

“Laran triste, basa Deputada Albina Marçal Feitas husi ita, memória lubuk husik hela iha PN. PD ho laran susar, hato’o sentidu kondelénsias kle’an ba oan sira no família tomak. Hato’o mós sentidus kondolénsias ba partidu CNRT ne’ebé mós lakon nia figura importante ida ne’e. Ita iha esperansa nafatin katak Deputada Defunta koroadu ona, ho aktus heroikus hotu ne’ebé halo ona ba nasaun hodi ita hotu mós bele moris iha verdade no ukun rasik an”, deklara Prezidente PD.

Iha votasaun apresiasaun ba sesaun solene ho votus afavór 40, Kontra 0 no abstensaun 0 no deputado 25 maka la mara prezensa.

Hafoin presta omenajen ikus iha PN, família lori hikas mate isin ba Jardim Herois Metinaru, hodi hala’o serimónia fúnebre.

Lee hotu :   KPU konvida CNE observa eleisaun iha Surabaya

Omenajen ikus ba saudoza

Antes atu ba haloot iha jardim dos herois metinaru, familia  lori uluk  saudoza nia mate-isin husi Lospalos mai Dili, no lori direitamente ba Fundasaun Alola hodi presta omenajen ikus ba saudoza,  tanba saudoza mos figura ne’ebe fó ona kontribuiasaun ba ezistensia Fundasaun Alola.

Iha fundasun Alola simu husi Fundadora Fudasaun Alola, Kristy Sword Gusmão no estrutura tomak Fundasaun Alola nian iha Maskarenas Díli.

“Liu husi saudoza Albina mak ha’u foin hatene lolos situasaun feto iha Timor-Leste no ha’u apriende buat barak husi saudoza, kona-ba feto maluk sira nia kontribuisaun ba luta, feto maluk sira nia sakrifisiu no vunarabilidade ba violensia, durante tempu okupasaun Indonesia”,  hateten Kirsty Sword Gusmão, bainhira presta omenajen ba mate isin saudoza, Albina Marcal Freitas “Bia Shana Falu”, iha sede Fundasaun Alola.

Husi Fundasaun Alola, ba fali Sede Partidu CNRT, iha Bairos Dos Gerilus, hodi estrutura Partidu CNRT no militante sira presta omenajen ikus ba mate isin saudoza.

Iha presta omenajen ne’e, reprezentante estrutura partidu CNRT, Dionisio Babo, hatete durante tinan barak saudoza servisu hamutuk ho instituisaun politika partidu CNRT hodi fó nia kontribuisaun, diak liu ba dezenvolvimentru rai ida ne’e.

“Durante saudoza sei moris laiha ema ida mak kestioona partisipasaun saudoza iha prosesu libertasaun nasional iha rai ida ne’e, saudoza mos fó nia vida tomak ba libertasaun patria, wainhira nia hetan ona moras no ba iha estranjeiru hala’o tratamentu fila mai, sei partisipa nafatin iha debate Parlamentu Nasional nian hodi bele kontribui nia hanoin ne’ebé diak, tamba ne’e lori partidu nia naran hato’o agradesimentu ba dedikasaun tomak durante ne’e, no sei banati tuir hahalok diak ne’ebe rai ona ba partidu”, dehan Dionisio Babo iha Sede CNRT.

Lee hotu :   Aeroportu Nicolau Lobato seidauk priense rekezitu aeroportu internasionál

Alende ne’e Xefi Casa Sivil Palasio Prezidensia, Francisco Vaz Conselos, akresenta oan sira bele lakon inan ne’ebe mak diak, maibe saudoza hatudu ona dedeikasaun ne’ebe mak forte ba rai ida ne’e, valor moris konta husi dedikasaun servisu ne’ebe mak nia hala’o nu’udar membru Parlamentu Nasional hodi hadia povu nia moris.

Oan husi saudoza Aderito Freitas, afirma saudoza hetan moras ne’ebé komplikadu, lori kedan ba halo tratamentu iha Malasya, hodi halo diagnostika hodi detekta hetan moras kankru pulmão, familia hotu esforsu hodi buka dalan hodi kura saudoza nia moras, maibé to’o ikus Maromak hadomi liu saudoza hodi hakotu nia Iis iha loron 28 fulan Dezembru tinan 2019.

Saudoza Albina Marçal Freitas “Bia Shana Falu” husik hela nia oan mane na’in rua, no bei oan na’in ha’at, no iha  seremonia funebre ne’e partisipa husi Prezidenti Parlamentu Nasional  Membru Governu sosiedade sivil no entidades sira hotu.

Antes mateban halo ona tratamentu iha rai liur nebe senti diak oituan

maka fila-fali ba mai Díli, maibé iha loron 25 ,fulan Dezembru ne’e hahú hikas tratamentu saúde iha HNGV, maibe lasalva ninia vida.

Iha kinta lejilatura nee Parlamentu Nasional lakon ona ninia deputado nain rua,  Gilman dos Santos Exposto husi Bankada Partido União Demokratiku Timorebse (UDT) no deputada Albina Marçal, Bankada CNRT. GMN

 

Add to Comments Here!!!!

error: Content is protected.
Secured By miniOrange
You might also like:
Dom Virgílio : Dialogu bele ultrapasa impase politiku

Arsebispu Dom Virgílio do Carmo da...

Dom Virgílio do Carmo husu sarani sira simu tinan foun ho hahalok foun

Arsebispu Dom Virgílio do Carmo da...

Mari Alkatiri: Timor – Leste tama ona krize identidade

Eis Primeiru Ministru, Mari Alkatiri, hatete ...

Close