JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD: Traballadór sira labele kontinua moris ho saláriu mínimu

PD: Traballadór sira labele kontinua moris ho saláriu mínimu

Atu dignifika traballadór sira ne’ebé kontribui ba prosesu dezenvolvimentu iha Timor-Leste, membru komisaun D Parlamentu Nasionál (PN), Mariano Assanami Sabino, husu governu atu haree no hadía lei kona-bá saláriu mínimu ba traballadór Timor-Oan ne’ebé servisu ba empreza nasionál no internasionál.

“Ha’u apoiu opiniaun akadémiku sira ne’ebé husu governu atu haree no hadía lei kona-bá saláriu mínimu ba traballadór sira ne’ebé servisu ba empreza nasionál no internasionál, inklui mós funsionáriu públiku sira. Ha’u aseita, ema labele moris ona ho osan limitadu iha rai ida ne’e, tenke hasa’e saláriu, sira bele iha podér kompra la’o, merkadu bele traballa fali, merkadu agora macet hela ita haree iha tasi ibun sira ne’e, restaurante sira ne’ebé uluk bai-bain ema tama ba hán, maibé agora ema la’e, tanba sirkulasaun osan menus iha merkadu”, membru komisaun D iha PN ne’e ba jornalista sira, Segunda (13-01-2020).

Assanami esplika, sirkulasaun osan menus, tanba efeitu husi governu seidauk selu kompañia sira, nune’e sira seiduak selu traballadór sira, hodi fó impaktu ba oan sira nia eskola.

“Tempu ona atu hasa’e saláriu ba doutor no enfermeiru sira, fó prioridade ba servisu públiku, saúde tenke di’ak liu, maibé mos tenke hadía fasilidade saúde, hasa’e saláriu ba profesor sira, tanba rekursu umanu, reitor no dosente sira tenke fó atensaun ba kampu traballu.

Timor-Leste labele hein deit ema husi estranjeiru mak sosa hahan iha restaurante, maibé Timor-Oan rasik tenke sosa, orsamentu ne’e oinsa atu hasa’e kresimentu ekonómiku projetu Tasi Mane longu prazu sei la’o. Hasa’e saláriu iha parte ida, maibé iha buat barak ne’ebé presiza halo, hanesan dada investór mai kria indústria no fábrika”, tenik membru komisaun D iha PN ne’e.

Lee hotu :   FRETILIN preokupa atividade arte marsiais kontinua la’o ■ KRAM la rekoñese

Assanami subliña, orsamentu ne’e leno-an ba estabilidade ekonómia, kresimentu ekonómiku, kria kampu traballu, balansu pagamentu, nune’e tempu ona atu hasa’e saláriu ba traballór, professor no médiku sira.

Antes ne’e, Reitór Universidade da Paz, (UNPAZ), Adolmando Amaral, husu VIII Governu Konstitusionál, atu haree no hadí’a fali lei kona-bá saláriu mínimu ba traballadór sira ne’ebé servisu ba empreza nasionál no internasionál, inklui iha governu rasik hodi dignifika traballadór sira ne’ebé kontribui ba prosesu dezenvolvimentu nasaun.

Tanba saláriu mínimu USD115 ne’e la sufisiénte, tanba iha era globalizasaun kustu de vida hahu ás dau-dauk. ety

 

Add to Comments Here!!!!

error: Content is protected.
Secured By miniOrange
You might also like:
MAP monta GPS identifika peskadór no ró ilegál iha Tasi Mane

Ministru Agrikultura no Peska (MAP), Joaquin...

KM aprova dekretu duodesimál millaun USD 116.4 ■La’o Hamutuk: Povu sakrifikadu ba polítika Governu nian

Reuniaun Konsellu Ministru (KM), ne’ebé realiza...

BCA loke eskola Pré-Eskolar ho inisiativa rasik

Bemmalaia Cordiosa de Arcanjos (BCA), harii...

Close