Xina sei ajuda TL konstroi ró Nakroma 2

Governu Xina sei ajuda Timor-Leste hodi konstroe ró Ferry Nakroma 2. Tuir planu programa lansamentu ba konstrusaun ró Ferri Nakroma dois (2) ne’e, Oitavu governu liu husi Ministériu Transporte no Komunikasaun,   sei realiza iha tempu badak, tanba orsamentu ba konstrusaun ró ne’e, mai husi governu Alemaña ho montante orsamentu euro millaun hitu, no husi Governu Timor-Leste dolar amerikanu millaun sanulu resin lima, husi Orsamentu Jeral Estadu tinan 2020.

Tanba ne’e, MinistruTransporte no Komunikasaun, José Agostinho hateten, antes ró Nakroma dois ne’e to’o mai TL,  presiza halo uluk  estasionamentu foun ró nian iha parte rejiaun sira.

 “Atu bele fasilita di’ak liu tan movimentu transporte iha área maritima, presiza kria uluk  estasionamentu foun ró nian iha parte rejiaun sira hanesan, Manatuto Karabela, Baucau,Viqueque Beasu, Lospalos Lore, Same Betanu no Suai atu bele fasilita di’ak liu tan movimentu transporte iha área marítima nian, hodi tula pasajeiru halo movimentu husi nasionál ba Munisípiu sira”, hateten José Agostinho ba Jornalista iha Portu Díli (15/01).

Governante ne’e haktuir, dadaun ne’e ró-ahi Ferri Nakroma ida (1) halo  hotu ona nia manutensaun, no iha tempu besik sei to’o hikas fali mai TL hodi halo operasaun normal.

“Durante ne’e ró-ahi Ferri Nakroma ida (1) halo hela mantensaun iha indonézia, no tuir informasaun ne’ebé iha, dadaun ne’e ró Berlink Nakroma halo hotu ona ninia manutensaun, no sei halo rodazen hela iha indonézia, ne’ebé iha tempu besik sei to’o hikas fali mai Timor-Leste hodi halo operasaun normal hanesan bai-bain”, katak Agostinho.

Antes ne’e Autoridade RAEOA, liu husi  projetu ZEEMS, konstroe ona ró Haksolok hodi fasilita transporte iha área marítima, maibé to’o ohin loron ró haksolok seidauk mosu mai hodi Haksolok ema hotu.aba