Alkatiri: Líder polítiku sira tenke apoia F-FDTL

Selebrasaun aniversáriu transformasaun, FALINTIL ba Forsa Defeza Timor-Leste (F-FDTL), ba dala 19. Sekretáriu  Jeral Partidu FRETILIN, Mari Alkatiri, husu ba polítiku na’in sira, atu fó apoiu másimu ba instituisaun F-FDTL hodi la’o ba oin.

“Parabéns ba forsa armada hahú husi, FALINTIL to’o mai F-FDTL, loron ida importante kedas ba ita, tanba ne’e forsa sira bele sai profisional liu tan. Tanba ne’e ha’u hanoin sira presiza apoiu bo’ot husi poder polítiku, hodi la’o ba oin, ha’u mós husu ba sidadaun hotu-hotu, joven ka la joven, tenke respeita ba instituisaun Estadu, hahú husi orgaun soberania mai to’o instituisaun defeza,  seguransa, no instituisaun hotu Estadu nian merese tenke respeita”, hateten, Mari Alkatiri, ba GMN, iha Kuartel Jeneral F-FDTL, Fatuhada, Domingo (02/02/2020).

Iha selebrasaun aniversáriu transformasaun, FALINTIL ba F-FDTL ne’e, la marka prezensa husi, Primeiru Ministru, Taur Matan Ruak, eis primeiru ministru Kay Rala Xanana Gusmão, eis Prezidenti Repúblika, Ramós Horta, inklui mos la partisipa husi, membru Oitavu Governu.Cin