JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMD Sobu baraka iha Kampu Alor la koopera ho komunidade

AMD Sobu baraka iha Kampu Alor la koopera ho komunidade

Governu liu husi Autoridade Munisípiu Díli (AMD), iha Tersa, loron 4, fulan Febereiru ne’e, diretamente sobu komunidade nia baraka no uma balun iha aldeia 01, suku Kampu Alor, postu administrativu Dom Aleixo, munisípiu Díli, tanba konsidera okupa rai Estadu.

Maibé Autoridade lokál no komunidade la konkorda ho desizaun governu no AMD, tanba sobu komunidade nia baraka no sai husi sira nia hela fatin, tanba durante ne’e governu seidauk koopera ho komunidade atu buka solusaun.

“Ha’u la aseita ho desizaun AMD ho governu ni’an, tanba durante ne’e parte kompotente seidauk koopera ho komunidade kona-bá hasa’i sira husi sira nia hela fatin. Ami husu ba órgaun kompetente, katak to’o agora ne’e sira nunka tun mai halo sosializasaun ho ami komunidade, maibé ami komunidade ne’e prontu atu kolabora ho Estadu, ami hatene ami hakru’uk ba Estadu, mais que ha’u nia rai privadu, Estadu dehan tama dezenvolvimentu, maibé tenke mai ho onestu, tenki mai halo sosializasaun para povu ne’e labele iha dúvida, maibé ida ne’e hanesan diskriminasaun boot ida”, reprezentante komunidade aldeia 01-Kampu Alor, Edmundo Ximenes de Sá ba jornalista sira iha Kampu Alor-Díli, Tersa (04-02-2020).

Husi parte seluk, Xefe Suku Kampu Alor, Alcina Carvalho dos Santos, mós la satisfaz ho desizaun AMD ne’ebé sobu komunidade sira nia baraka no uma balun, tanba laiha koordesaun di’ak ho autoridade lokál molok sobu.

Líderansa komunitáriu ne’e mós hateten, dau-daun ne’e komunidade sira seidauk hetan kompensasaun ruma husi governu.

“Hanesan Timor-Oan, hanesan Xefe suku la satisfaz ho programa ne’ebé mak governu hala’o, tanba durante ne’e nunka iha sosializasaun ho komunidade ne’ebé afetadu, tanba buat ida ita dehan emerjénsia no ditadura, entaun ita tenke tau lei ne’e loloos, povu ne’e iha direitu ba rai pedasuk ida ka la’e, tanba ha’u nia komunidade sira ne’e la’ós foin hela, maibé hela dezde tempu Portugés no okupasaun Indonézia”, katak Xefe Suku Kampu Alor ne’e.

Lee hotu :   Servisu abastesimentu bee moos falta kombustivel

Maibé Diretór Nasionál Komérsiu Internu, Domingos Guterres hateten, sira muda sai komunidade husi baraka hirak ne’e, desizaun kolektiva ne’ebé deside husi governu, tanba ne’e rai Estadu ni’an.

“Governu mai la’ós sobu komunidade nia uma, governu mai sobu baraka komunidade nian ne’ebé iha Kampu Alor, utilizasun rai Estadu ne’ebé mak iha durante ne’e, ne’ebé kestaun rua ne’e ita tenke koloka, ida ne’ebé mak komunidade ni’an, ida ne’ebé mak governu ni’an, nune’e ita bele halo dezenvolvimentu di’ak ba futuru,” informa DNCI ne’e.

Domingos mós rekoñese katak, loos duni, durante ne’e parte governu seidauk iha diálogu ho komunidade afetadu sira.

Tuir observasaun husi GMN iha fatin refere, nota katak, fatin afetadu ne’e hamutuk 70, inklui ho uma privadu balun no kios. san

Add to Comments Here!!!!

error: Content is protected.
Secured By miniOrange
You might also like:
Loke jogu ilegál, TDD aplika pena multa ba arguidu na’in 3

Tribunál Distritál Díli (TDD), liu husi...

PN lamenta Prezidente RAEOA servisu de’it iha Díli

Reprezentante povu iha uma fukun Parlamentu...

Pasiente sofre mál nutrisaun sanulu baixa iha HNGV

Xefe Departamentu Kontrolu Kualidade, Hospital Nacional...

Close