Be’e moos implementa iha Baguia, PM Taur asina plaka iha Díli

Diretor Ezekutivu Alfa Star Albertino Emílio França, hateten, projeitu be’e mós ne’e, implementa iha parte Baguia nian ne’ebé besik mos Primeiru Ministru (PM) nia uma iha Aldeia Waiboro ho Waibitai, Suku Haikoni iha Baguia, halo remata iha tinan 2018 no lori plaka ida ne’e, mai Xefi Governu Taur Matan Ruak, asina iha Palásiu Governu (PG) Díli.

“Di’ak ohin hamutuk ho PM atu assina plaka ba projetu ne’ebé ami halo iha parte Baguia nian ne’ebé besik mos Primeiro-Ministro nia uma iha Aldeia Waiboro ho Waibitai suku Haikoni, iha Baguia ne’eba entaun ami halo remata iha tinan 2018, ne’e sistema be’e mós ida ne’ebé mak ami halo iha ne’eba ohin ami lori plaka ida ne’e mai atu husu PM asina”, dehan, Diretor Ezekutivu Alfa Star Albertino Emílio França, iha Palasiu Governu, Segunda (24/02/2020).

Albertino esplika, Agora dadauk tuir monitorisasaun ne’ebé halo ba iha fatin ne’eba, sistema refere to’o agora komunidade sei uza ho di’ak. Iha ne’eba iha sistema rua iha sistema gravitasun no ida seluk sistema Bomba.

“Depois de asina Primeiro Ministru hato’o obrigado ba komunidade Japaun tamba bele suporta ona ida nia komunidade sira iha area rural sira. Bee ne’e oras ne’e komunidade sira usa quase tinan rua resin ona,” Albertino, hatutan.

“Orsamento ba  projeto  Be’e mós  ne’e, mai husi Embaixada Japão iha Timor-Leste, ho montante dolar rihun 89, iha ne’ebé uma kain 80 resin mak sai benefisiário, Projeto kanalisasaun ne’e jere husi organizasaun não Governamental Alfa Star,” hatuir, Albertino. Cin

Leave a Reply

Your email address will not be published. Required fields are marked *